നെയ്യാറ്റിൻകര: ശ്രീനാരായണ ഗുരുദേവന്റെ 168-ാമത് ജയന്തി ഇന്ന് വിവിധ പരിപാടികളോടെ അരുവിപ്പുറം മഠത്തിൽ ആഘോഷിക്കും.രാവിലെ 4ന് ശാന്തി ഹോമം,4.30ന് തിരു അവതാര പൂജ, 5ന് ശിവപൂജ,8ന് ഗുരുദേവ കൃതികളുടെ പാരായണം,10.30ന് നടക്കുന്ന ജയന്തി സമ്മേളനം മന്ത്രി ജി.ആർ.അനിൽ ഉദ്ഘാടനം ചെയ്യും.മഠം സെക്രട്ടറി സ്വാമി സാന്ദ്രാനന്ദ അദ്ധ്യക്ഷത വഹിക്കും. എം.എൽ.എമാരായ സി.കെ.ഹരീന്ദ്രൻ,എം.വിൻസെന്റ്,കെ.ആൻസലൻ,ജില്ലാ പഞ്ചായത്ത് പ്രസിഡന്റ് അഡ്വ.ഡി.സുരേഷ് കുമാർ എന്നിവർ മുഖ്യാതിഥിയായിരിക്കും.എസ്.എൻ.ഡി.പി നെയ്യാറ്റിൻകര യൂണിയൻ സെക്രട്ടറി ആവണി ശ്രീകണ്ഠൻ,ബി.ജെ.പി ജില്ലാ പ്രസിഡന്റ് വി.വി.രാജേഷ്, ബി.കെ.ജി ഹോൾഡിഗ് ചെയർമാൻ ബാബുരാജ്,ഗുരുനാദം ന്യൂസ് ചാനൽ ചെയർമാൻ സൗത്ത് ഇന്ത്യൻ വിനോദ്,പെരുങ്കടവിള ബ്ലോക്ക് പഞ്ചായത്ത് പ്രസിഡന്റ് ലാൽ കൃഷ്ണൻ,ഗ്രാമപഞ്ചായത്ത് പ്രസിഡന്റ് എസ്.സുരേന്ദ്രൻ,ജില്ലാ പഞ്ചായത്ത് അംഗം വി.എസ്.ബിനു,ഗ്രാമപഞ്ചായത്ത് അംഗം സി.സുജിത്ത്,സ്കൂൾ പ്രിൻസിപ്പൽ ഗംഗാ സുരേഷ്,അജി.എസ്.എസ്,എസ്.എൽ.ബിനു എന്നിവർ പങ്കെടുക്കും.