മുടപുരം: പത്തു ദിവസത്തിലധികമായി കിഴുവിലം പഞ്ചായത്തിലെ പ്രദേശങ്ങളിൽ കുടിവെള്ളം മുടങ്ങിയതിൽ പ്രതിഷേധിച്ച് പഞ്ചായത്ത് അംഗങ്ങളുടെ നേതൃത്വത്തിൽ ആറ്റിങ്ങൽ വാട്ടർ അതോറിട്ടി ഓഫീസിനു മുന്നിൽ സത്യഗ്രഹം നടത്തി. ശിവകൃഷ്ണപുരം,മുടപുരം,കുറക്കട തുടങ്ങിയ പ്രദേശങ്ങളിലാണ് കുടിവെള്ളം മുടങ്ങിയത്. കിഴുവിലം ഗ്രാമപഞ്ചായത്ത് വൈസ് പ്രസിഡന്റ് അഡ്വ.ആർ.ശ്രീകണ്ഠൻ നായർ,13-ാം വാർഡ് മെമ്പർ പി.പവനചന്ദ്രൻ,എൻ.എസ്.അനിൽ,ചന്ദ്രമോഹൻ,എം.ഷിബു എന്നിവർ നേതൃത്വം നൽകി. സി.പി.എം ആറ്റിങ്ങൽ ഏരിയാകമ്മിറ്റി അംഗം അഞ്ചുതെങ്ങ് സുരേന്ദ്രൻ ഉദ്ഘാടനം ചെയ്തു. സി.പി.എം ഏരിയകമ്മിറ്റി അംഗം എസ്.ചന്ദ്രൻ,കിഴുവിലം ലോക്കൽ കമ്മിറ്റി സെകട്ടറി ആർ.കെ.ബാബു എന്നിവർ സംസാരിച്ചു.

അഡ്വ.ആർ.ശ്രീകണ്ഠൻ നായർ,​തിരുവനന്തപുരം ജില്ലാ കളക്ടർ,വാട്ടർ അതോറിട്ടി എം.ഡി,വി.ശശി എം.എൽ.എ,വാട്ടർ അതോറിട്ടി എക്സിക്യുട്ടീവ് എൻജിനിയർ, അസിസ്റ്റന്റ് എക്സിക്യുട്ടീവ് എൻജിനിയർ,അസിസ്റ്റ്ന്റ് എൻജിനിയർ എന്നിവരുമായി ചർച്ച നടത്തി. കുടിവെള്ളം ഉടൻ എത്തിക്കാമെന്ന് ഉറപ്പ് ലഭിച്ച ശേഷമാണ് സമരം അവസാനിപ്പിച്ചത്.