തിരുവനന്തപുരം: ഓസോൺ ദിനാചരണത്തിന്റെ ഭാഗമായി കനകക്കുന്നിൽ ഫ്ളാഷ് മോബൊരുക്കി വിദ്യാർത്ഥിനികൾ.കോട്ടൺഹിൽ ഗവ. ഗേൾസ് ഹയർ സെക്കൻഡറി സ്‌കൂളിലെ 44 കുട്ടികളാണ് സംഗീത ശി​ല്പമടക്കമുള്ള ദൃശ്യാവിഷ്‌കാരവും ഫ്ളാഷ് മോബും അവതരിപ്പിച്ചത്. ഉദ്ഘാടനം സിറ്റി കന്റോൺമെന്റ് അസിസ്റ്റന്റ് കമ്മീഷണർ ദിന രാജ് നിർവഹിച്ചു. എസ്.എം.സി ചെയർമാൻ ആർ. പ്രദീപ്, പ്രിൻസിപ്പൽ വി.ഗ്രീഷ്മ, പ്രിൻസിപ്പൽ ഹെഡ്മിസ്ട്രസ് പി.ബി ഷാമി, അഡീഷണൽ ഹെഡ്മാസ്റ്റർ വി. രാജേഷ് ബാബു തുടങ്ങിയവർ പങ്കെടുത്തു.