വിഴിഞ്ഞം: കാപ്പ ഉത്തരവ് ലംഘിച്ച നിരവധി ക്രിമിനൽ കേസുകളിലെ പ്രതി പിടിയിൽ. പാച്ചല്ലൂർ പാറവിള മുസ്ലി പള്ളിക്ക് സമീപം പ്ലാവിള വീട്ടിൽ മകൻ വിഷ്ണു(30) വാണ് അറസ്റ്റിലായത്. തിരുവനന്തപുരം സിറ്റി പൊലീസ് മേധാവിയുടെ കാപ്പ ഉത്തരവ് ലംഘിച്ച് കുറ്റകൃത്യത്തിലേർപ്പെട്ടതിന് കോവളം പൊലീസിന്റെ പിടിയിലാവുകയായിരുന്നു. കാപ്പ ഉത്തരവ് നിലനിൽക്കെ പ്രതിയുടെ വീട്ടിനടുത്തെ താമസക്കാരിയെ ദേഹോപദ്രവം ഏൽപ്പിച്ച്, കാർ അടിച്ച് തകർത്ത ശേഷം ഒളിവിൽ പോയ കേസിലാണ് പ്രതിയെ കോവളം സബ് ഇൻസ്പെക്ടർ അനീഷ് കുമാർ, എ.എസ്.ഐ മുനീർ, സി.പി. ഒ മാരായ ഷൈജു, ജിജി എന്നിവരടങ്ങിയ സംഘം പിടികൂടിയത്.