വെള്ളറട: കുന്നത്തുകാൽ ഗ്രാമപഞ്ചായത്ത് ശുചിത്വ സംരക്ഷണ പദ്ധതികളുമായി വീണ്ടും സജീവമാകുന്നു. വർഷങ്ങൾക്കു മുൻപ് ശിചിത്വ മേഖലയിൽ ഇന്ത്യയിലെ ഏറ്റവും നല്ല രീതിയിലുള്ള പ്രവർത്തനങ്ങൾ കാഴ്ചവച്ചതിന് നിർമ്മൽ പുരസ്കാരം നേടിയ പഞ്ചായത്താണ് കുന്നത്തുകാൽ. ഇതിന്റെ ഭാഗമായി കുറുവാട് മാർക്കറ്റ് കോംപ്ലക്സിൽ നിർമ്മിച്ച ടേക്ക് എ ബ്രേക്ക് അജൈവ മാലിന്യ ശേഖരണ കേന്ദ്രം, തുമ്പൂർമൂഴി തുടങ്ങിയവ ഹരിത കർമ്മ സേനയുടെ സാന്നിദ്ധ്യത്തിൽ സി.കെ. ഹരീന്ദ്രൻ എം.എൽ.എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ആർ. അമ്പിളി അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് ലാൽ കൃഷ്ണ, ജില്ലാ പഞ്ചായത്ത് അംഗം വി.എസ്. ബിനു, ബ്ലോക്ക് പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ടി. വിനോദ്, ഗ്രാമപഞ്ചായത്ത് വൈസ് പ്രസിഡന്റ് ജി. കുമാർ, ക്ഷേമകാര്യ അദ്ധ്യക്ഷൻ എസ്.എസ്. റോജി, ആരോഗ്യ വിദ്യാഭ്യാസ സമിതി അദ്ധ്യക്ഷ കെ.എസ്. ഷീബാറാണി, വികസനകാര്യ സമിതി അദ്ധ്യക്ഷ മേരി മിനി ഫ്ലോറ, ബ്ലോക്ക് പഞ്ചായത്ത് അംഗം ഒ. വസന്ത കുമാരി, ഗ്രാമപഞ്ചായത്ത് സെക്രട്ടറി ഹരിഗോപൻ തുടങ്ങിയവർ സംസാരിച്ചു.