തിരുവനന്തപുരം: വട്ടിയൂർക്കാവ് സെൻട്രൽ പോളിടെക്നിക്ക് കോളേജിൽ നടത്തുന്ന ഒരുവർഷം ദൈർഘ്യമുള്ള ഫൈബർ റീ ഇൻഫോഴ്സ്ഡ് പ്ലാസ്റ്റിക് (എഫ്.ആർ.പി) കോഴ്സിലേക്ക് അപേക്ഷ ക്ഷണിക്കുന്നു. അപേക്ഷകർ എസ്.എസ്.എൽ.സി/തത്തുല്യ കോഴ്സും ഐ.ടി.ഐ-ൽ (മെഷിനിസ്റ്റ്, ഫിറ്റർ, പ്ലാസ്റ്റിക് പ്രൊസസ്സിംഗ് ഓപ്പറേറ്റർ, ഫൗണ്ടറി മാൻ, ടൂൾ ആൻഡ് ഡൈ മേക്കർ (ജിഗ്സ് ആന്റ് ഫിക്സ്‌ച്ചേർസ്), ടൂൾ ആൻ‌ഡ് ഡൈ മേക്കർ (ഡൈസ് ആൻഡ് മോൾഡ്) ഇവയിൽ ഏതെങ്കിലുമൊരു ട്രേഡിൽ ഐ.ടി.ഐ പാസായവരോ ഫിറ്റിംഗ് / കാർപെന്ററി / ടർണിംഗ് ട്രേഡിൽ ടി.എച്ച്.എസ്.എൽ.സി പാസയവരോ ആയിരിക്കണം. അപേക്ഷാഫോറം 60 രൂപ (എസ്.സി, എസ്.ടി വിഭാഗക്കാർക്ക് 30 രൂപ) നിരക്കിൽ സെൻട്രൽ പോളിടെക്നിക് കോളേജ് ഓഫീസിൽ നിന്ന് ലഭിക്കും. അപേക്ഷ സ്വീകരിക്കുന്ന അവസാന തീയതി ഒക്‌ടോബർ 10 വൈകിട്ട് നാല്. ഫോൺ: 0471-2360391.