കോവളം: ആഴിമല ശിവക്ഷേത്രത്തിലെ നവരാത്രി ആഘോഷങ്ങൾ ഒക്ടോബർ 2 മുതൽ 5 വരെ നടക്കും. 2ന് വൈകിട്ട് 6.30ന് ദുർഗാഷ്ടമി പൂജ അരുവിപ്പുറം ശിവക്ഷേത്രം സെക്രട്ടറി സാന്ദ്രാനന്ദസ്വാമി ഭദ്രദീപം കൊളുത്തി ഉദ്ഘാടനം നിർവഹിക്കും.3ന് വൈകുന്നേരം 6.30ന് മഹാനവമി പൂജ എൻ.എസ്.എസ് താലൂക്ക് യൂണിയൻ പ്രസിഡന്റ് എം.സംഗീത്കുമാർ ഭദ്രദീപം കൊളുത്തി ഉദ്ഘാടനം നിർവഹിക്കും. 4ന് വൈകിട്ട് 6.30ന് സരസ്വതി പൂജകളുടെ ഉദ്ഘാടനം കേരള ഗവർണർ ആരിഫ് മുഹമ്മദ്‌ ഖാൻ നിർവഹിക്കും. 5ന് രാവിലെ 5.30ന് വിദ്യാരംഭം ഉദ്ഘാടനം ക്ഷേത്ര പ്രസിഡന്റ് വി.രാധാകൃഷ്ണൻ നിർവഹിക്കും. 6.30മുതൽ മേൽശാന്തി ജ്യോതിഷ് പോറ്റി കുരുന്നുകൾക്ക് ആദ്യാക്ഷരം കുറിക്കും.വിദ്യാരംഭം രജിസ്ട്രേഷൻ ചെയ്യുന്നതിന് ക്ഷേത്രഓഫീസിൽ നേരിട്ടോ 8547442422,9497148422 എന്നീ നമ്പറുകളിലോ ബന്ധപ്പെടണമെന്ന് ക്ഷേത്ര ജനറൽ സെക്രട്ടറി എസ്. വിജേഷ് അറിയിച്ചു.