തിരുവനന്തപുരം: നെടുമങ്ങാട് ഗവ. പോളിടെക്‌നിക് കോളേജിൽ കമ്പ്യൂട്ടർ, ഇലക്ട്രോണിക്‌സ്, കമ്പ്യൂട്ടർ ഹാർഡ്‌വെയർ എൻജിനിയറിംഗ് എന്നീ ബ്രാഞ്ചുകളിൽ ഡിപ്ലോമ ലാറ്ററൽ എൻട്രി പ്രവേശനത്തിന് ഐ.ടി.ഐ/ കെ.ജി.സി.ഇ, പ്ലസ്ടു/ വി.എച്ച്.എസ്.ഇ വിഭാഗങ്ങളിൽ അവശേഷിക്കുന്ന ഒഴിവുകളിലേക്കുള്ള സ്‌പോട്ട് അഡ്മിഷൻ 30ന് രാവിലെ 9.30 മുതൽ കോളേജിൽ നടത്തും.ജില്ലയിലെ ഡിപ്ലോമ ലാറ്ററൽ എൻട്രി പ്രവേശനത്തിനായി പ്രസിദ്ധീകരിച്ചിട്ടുള്ള റാങ്ക് ലിസ്റ്റിൽ ഉൾപ്പെട്ടിട്ടുള്ള എല്ലാ ജനറൽ/ സംവരണ വിഭാഗക്കാരും രാവിലെ 9.30 മുതൽ 11.30 വരെ കോളേജിൽ ഹാജരായി രജിസ്‌ട്രേഷൻ നടത്തണം. നിശ്ചിത സമയത്തിനുശേഷം ഹാജരാകുന്നവരെ പരിഗണിക്കില്ല. എല്ലാ സർട്ടിഫിക്കറ്റുകളുടെയും ടി.സിയുടെയും അസൽ ഹാജരാക്കണം. പ്രവേശനം ലഭിച്ചാൽ ഫീസ് ആനുകൂല്യം ഉള്ളവർ 13,200 രൂപയും മറ്റുള്ളവർ 16,070 രൂപയും അടയ്ക്കണം. പി.ടി.എ ഫീസ് ഒഴികെയുള്ള എല്ലാ ഫീസും ഡെബിറ്റ്/ക്രെഡിറ്റ് കാർഡ് വഴി അടയ്ക്കണം. കൂടുതൽ വിവരങ്ങൾക്ക്: www.polyadmission.org/let.