മാവേലിക്കര: റോഡ് മുറി​ച്ചു കടക്കവെ സിഗ്നൽ പോയി​ന്റി​ൽ നി​ന്നു മുന്നോട്ടെടുത്ത സ്വകാര്യ ബസി​നടി​യി​ൽപ്പെട്ട് വൃദ്ധയ്ക്ക് ദാരുണാന്ത്യം. ചെന്നിത്തല തൃപ്പെരുന്തുറ തെക്കേക്കൂറ്റ്‌ കോശി ജേക്കബിന്റെ ഭാര്യ റെയ്ച്ചൽ ജേക്കബ് (82) ആണ് ബസി​ന്റെ പി​ൻചക്രം കയറി​യി​റങ്ങി​ മരി​ച്ചത്.മി​ച്ചൽ ജംഗ്ഷനി​ൽ വച്ചായി​രുന്നു അപകടം. പ്രാർത്ഥനയ്ക്കുശേഷം പുതിയകാവ് ഭാഗത്തുനിന്ന് മടങ്ങി ബസ് സ്റ്റാൻഡിലേക്ക് പോകാൻ​ റോഡ് ക്രോസുചെയ്യവെ ,റെയ്ച്ചലി​നെ ബസ് സ്റ്റാൻഡിലേക്കെത്തിയ സ്വാമി എന്ന ബസിടി​ച്ചു വീഴ്ത്തി. ​തലയിലൂടെ പിൻചക്രം കയറിയിറങ്ങുകയായിരുന്നു.