ചേർത്തല: അപ്രതീക്ഷിതമായെത്തിയ രോഗം തളർത്തിയ യുവാവ് ജീവിതം തി​രി​കെപ്പി​ടി​ക്കാൻ കനി​വ് തേടുന്നു. വയലാർ ഗ്രാമപഞ്ചായത്ത് 14-ാം വാർഡ് കളവംകോടം നികർത്തിൽ അരുൺകുമാറാണ് (35) വിദഗ്ദ്ധ ചികിത്സകൾക്കു വഴികളില്ലാതെ കുഴങ്ങുന്നത്.

ഞരമ്പുകൾ ചുരുങ്ങുന്ന രോഗം ബാധിച്ച് നടക്കാൻ പോലുമാകാത്ത അവസ്ഥയിലാണ് അരുൺകുമാർ. ഒരുകണ്ണിന്റെ കാഴ്ച നഷ്ടപ്പെട്ടു. എറണാകുളത്തെ സ്വകാര്യ ആശുപത്രിയിൽ സെക്യൂരി​റ്റി സൂപ്പർവൈസറായി ജോലിചെയ്യവേയാണ് രോഗ ബാധിതനായത്. ചികിത്സ തുടങ്ങിയതോടെ ജോലി നഷ്ടമായി. ജീവിക്കാൻ ലോട്ടറി കച്ചവടത്തിനിറങ്ങിയെങ്കിലും രോഗം മൂർച്ഛിച്ചതോടെ ആ വഴിയും അടഞ്ഞു. കാഞ്ചനയാണ് ഭാര്യ. വിദദ്ധ ചികിത്സയ്ക്കായി തിരുവനന്തപുരം ശ്രീചിത്ര മെഡി. ആശുപത്രിയിൽ ഊഴം കാത്തിരിക്കുകയാണ് അരുൺകുമാർ. ഗ്രാമപഞ്ചായത്തംഗം ബിൽക്കുൽ അടക്കമുള്ള പൊതുപ്രവർത്തകരുടെ സഹകരണത്തിൽ കാഞ്ചനയുടെ പേരിൽ കോർപ്പറേഷൻ ബാങ്ക് വയലാർ ശാഖയിൽ അക്കൗണ്ട് തുറന്നിട്ടുണ്ട്. നമ്പർ: 520101254132112 (ഐ.എഫ്.എസ് കോഡ് സി.ഒ.ആർ.പി 0000230) ഫോൺ 8592918801.