ആലപ്പുഴ: കയർ ബോർഡ് കെട്ടിടത്തിന്റെ കാലപ്പഴക്കം ചെന്ന ആസ്ബസ്റ്റോസ് ഷീറ്റ് മാറുന്നതിനിടെ മേൽക്കൂരയിൽ നിന്ന് വീണ് കരാർ തൊഴിലാളി മരിച്ചു. മാരാരിക്കുളം തെക്ക് എഞ്ചായത്ത് 18-ാം വാർഡ് കാട്ടൂർ പുന്നയ്ക്കൽ വീട്ടിൽ ഡൊമനിക് (ടോമി)-മേഴ്സി (ഷീല) ദമ്പതികളുടെ മകൻ ടോഷി ഡൊമനിക് (27) ആണ് മരിച്ചത്. ഇന്നലെ രാവിലെ 10.30ഓടെയായിരുന്നു അപകടം.

പ്രധാന കെട്ടിടത്തിന്റെ മേൽക്കൂരയിലെ ഷീറ്റ് മാറുന്നതി​നി​ടെ ചവി​ട്ടി​യപ്പോൾ പൊട്ടുകയും നി​ലത്തു വീഴുകയുമായി​രുന്നു. ഉടൻ തന്നെ അടുത്തുള്ള സ്വകാര്യ ആശുപത്രിയിൽ എത്തിച്ചു. പി​ന്നീട് ആലപ്പുഴ മെഡി. ആശുപത്രിയിൽ എത്തി​ച്ചെങ്കി​ലും രക്ഷിക്കാനായില്ല. മണ്ണഞ്ചേരി പൊലീസ് മേൽനടപടി സ്വീകരിച്ചു. മൃതദേഹം മെഡി. ആശുപത്രിയി മോർച്ചറിയിൽ. സഹോദരൻ റ്റോണി ഡൊമി​നി​ക്.