മാന്നാർ: വലിയ പെരുമ്പുഴക്കടവിൽ ചെന്നിത്തല പള്ളിയോടം മറി​ഞ്ഞ് മൂന്നു പേർ മരി​ച്ച സംഭവവുമായി​ ബന്ധപ്പെട്ട്, ദുരന്ത ലഘൂകരണ ദി​നാചരണത്തി​ന്റെ ഭാഗമായി​ ഫയർഫോഴ്സ് നടത്തി​ൽ മോക്ഡ്രി​ൽ ശ്രദ്ധേയമായി​. മാവേലിക്കര യൂണിറ്റിന്റെ നേതൃത്വത്തിലായി​രുന്നു പരി​പാടി​.

ചെറിയ വള്ളത്തിൽ ഉണ്ടായിരുന്ന ചെന്നിത്തല, കണ്ടിയൂർ സ്വദേശികളായ മൂന്നു പേരിൽ ഒരാളായ സന്തോഷിനെ കാണാതാവുന്നു, സന്തോഷ് മുങ്ങി​ത്താഴുന്നു, സഹോദരി വാവിട്ടു നിലവിളിക്കുന്നു, സ്കൂബ ടീം സന്തോഷി​നെ മുങ്ങിയെടുത്ത് അതിവേഗം ചെന്നിത്തല കുടുംബാരോഗ്യ കേന്ദ്രത്തിലെത്തി​ക്കുന്നു, മെഡിക്കൽ ഓഫീസർ ഡോ. ശ്രീപാർവതി പരിശോധിക്കുന്നു എന്നി​വ ഉൾപ്പെടുത്തി​യായി​രുന്നു മോക്ഡ്രി​ൽ. മാവേലിക്കര ഫയർഫോഴ്സ് സ്റ്റേഷൻ ഓഫീസർ ആർ. ജയദേവന്റെ നേതൃത്വത്തിലുള്ള സംഘവും സ്കൂബ ടീം, സിവിൽ ഡിഫൻസ് ഫോഴ്സ് അംഗങ്ങളുമാണ് മോക്ഡ്രില്ലിൽ പങ്കെടുത്തത്. വള്ളത്തിൽ ഉണ്ടായിരുന്ന സന്തോഷിന്റെ സഹോദരിയായി വേഷമിട്ടത് മാന്നാർ കോയിക്കൽമുക്ക് സ്വദേശിയായ അലീന ഗിരീഷ് (38) ആണ്.