ഹരിപ്പാട് : കുമാരപുരം ഗ്രാമ പഞ്ചായത്തിൽ കുടുംബശ്രീ സി.ഡി.എസ് നാട്ടുചന്ത ഞായർ, തിങ്കൾ, ചൊവ്വ ദിവസങ്ങളിൽ നടക്കും. ഇന്ന് രാവിലെ 10 ന് ജില്ലാ പഞ്ചായത്ത് വൈസ് പ്രസിഡന്റ് ബിപിൻ സി.ബാബു ഉദ്ഘാടനം നിർവഹിക്കും. കുമാരപുരം ഗ്രാമ പഞ്ചായത്ത് പ്രസിഡന്റ് ഒ.സൂസി അധ്യക്ഷത വഹിക്കും. കേരള ബാങ്ക് ഡയറക്ടർ എം.സത്യപാലൻ ആദ്യവില്പനയും ഹരിപ്പാട് ബ്ലോക്ക് പഞ്ചായത്ത് പ്രസിഡന്റ് രുക്മിണി രാജു വൾണറബിലിറ്റി ഫണ്ട് വിതരണവും നിർവഹിക്കും. വയോജന അയൽക്കൂട്ടങ്ങൾ ക്കുള്ള റിവോൾവിംഗ് ഫണ്ട് വിതരണം ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ടി.എസ് താഹ നിർവഹിക്കും. ഗ്രാമപഞ്ചായത്ത് വൈസ് പ്രസിഡന്റ് യു. പ്രദീപ്, ബ്ലോക്ക് പഞ്ചായത്തംഗങ്ങളായ സി.എസ് രഞ്ജിത്ത്, ടി. ആർ.വത്സല, എൽ.യമുന, ശോഭ, ഗ്രാമ പഞ്ചായത്ത് സ്ഥിരം സമിതി അദ്ധ്യക്ഷരായ പി.സോണി, വിജിത ബിജു, ലതാ ശരവണ, ഗ്രാമപഞ്ചായത്ത് അംഗങ്ങളായ ബി. പ്രസന്ന, കെ. സുധീർ കവിത രാജേഷ്, ജെ. ഷാജഹാൻ, രാജേഷ് ബാബു, ജി.ശശികുമാർ, എൻ. കെ ഓമന, ഗ്ലാമി വാലടിയിൽ, സുമി സുരേഷ്, സി. എസ്, പ്രിയദർശനി, ഗ്രാമപഞ്ചായത്ത് സെക്രട്ടറി എം മണിക്കുട്ടൻ, ജില്ലാ മിഷൻ കോ-ഓർഡിനേറ്റർ പ്രശാന്ത് ബാബു, അസി. ജില്ലാ മിഷൻ കോ ഓർഡിനേറ്റർ സുരേഷ് എം ജി എന്നിവർ പങ്കെടുക്കും. സി.ഡി.എസ് ചെയർപേഴ്സൺ സിന്ധു മോഹനൻ സ്വാഗതവും മെമ്പർ സെക്രട്ടറി സിന്ധു ഈശ്വരൻ നന്ദിയും പറയും