ചെങ്ങന്നൂർ: എസ്.എൻ.ഡി.പി യോഗം ചെങ്ങന്നൂർ യൂണിയനിലെ 2863-ാം നമ്പർ പാറപ്പാട് ശാഖയുടെ ഒന്നാമത് പാറപ്പാട് ശ്രീനാരായണ കൺവൻഷൻ 22 ന് ആരംഭിക്കും. മൂന്ന് ദിവസങ്ങളിലായി നടക്കുന്ന കൺവൻഷന്റെ ഉദ്ഘാടനം ശാഖാ പ്രാർത്ഥനാഹാളിൽ രാവിലെ 10 ന് കൗൺസിലർ പി.ടി.മന്മദൻ നിർവഹിക്കും. യൂണിയൻ ചെയർമാൻ അനിൽ അമ്പാടി അദ്ധ്യക്ഷത വഹിക്കും. കൺവൻഷൻ ഗ്രാന്റ് വിതരണം യൂണിയൻ കൺവീനർ അനിൽ.പി.ശ്രീരംഗം നിർവഹിക്കും. യൂണിയൻ വൈസ് ചെയർമാൻ രാഖേഷ് കോഴഞ്ചേരി, യൂണിയൻ അഡ്.കമ്മറ്റി അംഗങ്ങളായ കെ.ആർ.മോഹനൻ, എസ്.ദേവരാജൻ, ബി.ജയപ്രകാശ് തൊട്ടാവാടി, സുരേഷ് വല്ലന, അനിൽ കണ്ണാടി, ചെങ്ങന്നൂർ യൂണിയൻ മുൻ വൈസ് പ്രസിഡന്റ് അഡ്വ.പി.എൻ.വേണുഗോപാൽ, യൂത്ത്മൂവ്‌മെന്റ് യൂണിറ്റ് പ്രസിഡന്റ് കുമാരി,ആർച്ച ലാൽ എന്നിവർ സംസാരിക്കും. ശാഖായോഗം പ്രസിഡന്റ് അഡ്വ.കെ.വി.ജയപ്രകാശ് സ്വാഗതവും സെക്രട്ടറി പി.ആർ.ഉത്തമൻനന്ദിയും പറയും. തുടർന്ന് 11 ന് ഗുരുഷട്കം എന്ന വിഷയത്തിൽ പി.ടി.മന്മദനും വൈകിട്ട് 4 ന് കുടുംബജീവിതം ഗുരുദേവദർശനത്തിൽ എന്ന വിഷയത്തിൽ പ്രായിപ്ര ദമനനും പ്രഭാഷണം നടത്തും. 23 ന് വൈകിട്ട് 4 ന് ഗുരുദേവനും ചിന്നസ്വാമിയും എന്ന വിഷയത്തിൽ ഡോ.എം.എം.ബഷീറും . സമാപന ദിവസമായ 24 ന് രാവിലെ 10 ന് ഗുരുദേവന്റെ ഈശ്വരീയത എന്ന വിഷയത്തിൽ നിർമ്മലാ മോഹൻ പാലായും വൈകിട്ട് 4ന് ശ്രീനാരായണ പരമഹംസർ എന്ന വിഷയത്തിൽ ബിപിൻ ഷാനും പ്രഭാഷണം നടത്തും. കൺവൻഷനോടനുബധിച്ച് എല്ലാ ദിവസവും രാവിലെ അഷ്ടദ്രവ്യമഹാഗണപതിഹോമം, മഹാമൃത്യുഞ്ജയഹോമം, വിശ്വശാന്തി ഹവനം, ശാരദപൂജ, ഗുരുപൂജ, ഗുരുപുഷ്പാഞ്ജലി, ലക്ഷ്മിപൂജ എന്നിവനടക്കും. കൺവൻഷനോടനുബന്ധിച്ച് അന്നദാനം, ലഘുഭക്ഷണവിതരണം എന്നിവ ക്രമീകരിച്ചിട്ടുണ്ടെന്ന് ശാഖായോഗം പ്രസിഡന്റ് അഡ്വ.കെ.വി.ജയപ്രകാശും സെക്രട്ടറി പി.ആർ.ഉത്തമനും പറഞ്ഞു.