ആലപ്പുഴ: എ.സി. റോഡ് കരുമാടി വിളക്കുമരം റോഡിലെ തൈച്ചേരി തോട് പാലത്തിന്റെ അപ്രോച്ച് റോഡ്, സർവീസ് റോഡ് എന്നിവയുടെ നിർമാണം പുരോഗമിക്കുന്നതിനാൽ ഈ റോഡിലൂടെയും തോടിന്റെ തീരത്തുള്ള റോഡുകളിലൂടെയുമുള്ള വാഹന ഗതാഗതം ഇന്ന് മുതൽ പാലത്തിന്റെ നിർമാണം പൂർത്തിയാകുന്നതു വരെ പൂർണമായി നിരോധിച്ചു. എ.സി റോഡിൽ കൂടി വരുന്ന വാഹനങ്ങൾ പൂപ്പള്ളി വഴി നെടുമുടി - കരുവാറ്റ റോഡിലൂടെയും വൈശ്യംഭാഗം ഭാഗത്തു നിന്നു വരുന്ന വാഹനങ്ങൾ വൈശ്യംഭാഗം ചമ്പക്കുളം റോഡ് വഴി നെടുമുടി - കരുവാറ്റ റോഡിലെത്തി പോകണമെന്ന് പൊതുമരാമത്ത് പാലം ഉപവിഭാഗം അസിസ്റ്റന്റ് എക്‌സിക്യൂട്ടീവ് എൻജിനീയർ അറിയിച്ചു.