ആലപ്പുഴ: നഗരത്തിലെ അതിദരിദ്രരുടെ ലിസ്റ്റിൽ ഉൾപ്പെട്ട റേഷൻ കാർഡ്, ആധാർകാർഡ്, വോട്ടേഴ്‌സ് ഐഡി, ബാങ്ക് പാസ്ബുക്ക് തുടങ്ങി അവശ്യ രേഖകളില്ലാത്ത ഗുണഭോക്താക്കൾക്ക് വിവിധ വകുപ്പുകൾ മുഖാന്തിരം രേഖകൾ ലഭ്യമാക്കുന്നതിനുള്ള അദാലത്ത് സംഘടിപ്പിച്ചു. ആലപ്പുഴ നഗരസഭാങ്കണത്തിൽ നടന്ന അദാലത്ത് നഗരസഭാദ്ധ്യക്ഷ സൗമ്യരാജ് ഉദ്ഘാടനം ചെയ്തു. വൈസ് ചെയർമാൻ പി.എസ്.എം ഹുസൈൻ, സ്ഥിരം സമിതി അദ്ധ്യക്ഷരായ ബീനരമേശ്, ആർ.വിനിത, കെ.ബാബു, അതിദാരിദ്ര ലഘൂകരണ നഗരസഭാതല കമ്മറ്റി കൺവീനർ റഹിയാനത്ത്, കൗൺസിലർമാർ, മുല്ലയ്ക്കൽ, ആലപ്പുഴ പടിഞ്ഞാറ്, ആര്യാട് സൗത്ത്, പഴവീട്, വില്ലേജ് ഓഫീസർമാരായ എം.ആർജയിൻരാജ്, വി.മനോജ്, ജോസഫ്, പി.സി.സുനിൽ, താലൂക്ക് റേഷനിംഗ് ഇൻസ്‌പെക്ടർ വി.ബിജി, അക്ഷയ കോ ഓർഡിനേറ്റർ ടി.പ്രിയമോൾ, യൂണിയൻ ബാങ്ക് മാനേജർ അനന്തകൃഷ്ണൻ, പി.എ ടു സെക്രട്ടറി മാലിനി.ആർ.കർത്ത, സി.ഡി.എസ് മെമ്പർ സെക്രട്ടറി സന്ധ്യ, നഗരസഭയിലെ വിവിധ വകുപ്പ് മേധാവികൾ തുടങ്ങിയവർ പങ്കെടുത്തു.