ആലപ്പുഴ : കൈനകരി റോഡിൽ നടക്കുന്ന പ്രവർത്തനങ്ങൾ കളക്ടർ വി.ആർ.കൃഷ്ണതേജ വിലയിരുത്തി. കൈനകരി ജലോത്സവത്തിന് മുന്നോടിയായിട്ടായിരുന്നു കളക്ടറുടെ സന്ദർശനം. റോഡിലെ കുഴികൾ രണ്ടു ദിവസത്തിനുള്ളിൽ അടച്ചു താത്ക്കാലിക പരിഹാരം കാണണമെന്ന് പൊതുമരാമത്ത് ഉദ്യോഗസ്ഥർക്ക് നിർദേശം നൽകി. എ.സി റോഡ് നിർമ്മാണ പ്രവർത്തനങ്ങൾ നടക്കുന്നതിനാൽ വാഹനങ്ങൾ കൈനകരി റോഡ് വഴിയാണ് പോകുന്നത്. വള്ളംകളി കാണാനെത്തുന്നവരുടെ വാഹനങ്ങൾ പാർക്ക് ചെയ്യാനാവശ്യമായ ക്രമീകരണങ്ങൾ ഏർപ്പെടുത്തണമെന്നും കളക്ടർ നിർദ്ദേശിച്ചു. കൈനകരി പഞ്ചായത്ത് പ്രസിഡന്റ് എം.സി.പ്രസാദ്, വൈസ് പ്രസിഡന്റ് പ്രസീത മിനിൽ കുമാർ, സ്ഥിരം സമതി അദ്ധ്യക്ഷരായ കെ.എ.പ്രമോദ്, സബിത മനു തുടങ്ങിയവർ കളക്ടർക്കൊപ്പമുണ്ടായിരുന്നു.