ഹരിപ്പാട് : മോട്ടോർ വാഹന വകുപ്പ് നടത്തിയ പരിശോധനയ്ക്കിടെ ഹരിപ്പാട് ചിങ്ങോലി സ്വദേശിയായ ഇരുചക്ര വാഹനയാത്രക്കാരനിൽ നിന്ന് വ്യാജ ഡ്രൈവിംഗ് ലൈസൻസ് പിടിച്ചെടുത്തു. ഹോളോഗ്രാം ഉൾപ്പെടെ പതിപ്പിച്ചിട്ടുള്ളതാണ് വ്യാജ ലൈസൻസ്. എട്ട് വർഷമായി ഇത് ഉപയോഗിച്ചു വരുന്നതായി ഇയാൾ ഉദ്യോഗസ്ഥരോട് പറഞ്ഞു. ഡിപ്പാർട്ട്മെന്റിൽ നിലവിലില്ലാത്ത ഉദ്യോഗസ്ഥന്റെ പേരിലുള്ള വ്യാജ ഒപ്പ് പതിച്ചതാണ് ലൈസൻസ്.