കായംകുളം: കായംകുളം അർബൻ സഹകരണ സംഘത്തിന്റെ ആഭിമുഖ്യത്തിൽ നടന്ന ഡോ.എ.പി.ജെ അബ്ദുൽകലാം സ്മാരക അവാർഡ് വിതരണം പ്രതിപക്ഷ നേതാവ് വി.ഡി.സതീശൻ നിർവഹിച്ചു. നഗരസഭ പ്രദേശത്ത് എസ്.എസ്.എൽ.സി,​ പ്ലസ് ടു പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടിയ വിദ്യാർത്ഥികൾക്കും,​ ഉന്നത വിദ്യാഭ്യാസരംഗത്തെ മികച്ച പ്രതിഭകൾക്കും സംഘം സഹകാരികൾക്കും അവാർഡുകൾ വിതരണം ചെയ്തു. സംഘം പ്രസിഡന്റ് അഡ്വ.യു.മുഹമ്മദ് അദ്ധ്യക്ഷത വഹിച്ചു. കേരള സർവകലാശാല സിൻഡിക്കേറ്റ് മെമ്പർ അഡ്വ.എ.അജികുമാർ, സഹകരണ അസി.രജിസ്ട്രാർ ജി.ബാബുരാജ്, സംഘം ബോർഡ് അംഗങ്ങളായ കെ.പുഷ്പദാസ്, പി.സി.റോയ് എന്നിവർ സംസാരിച്ചു.