ആലപ്പുഴ : എസ്.എൻ.ഡി.പി. യോഗം ചെങ്ങന്നൂർ യൂണിയന്റെയും എറണാകുളം മുക്തിഭവൻ കൗൺസിലിംഗ് സെന്ററിന്റെയും ആഭിമുഖ്യത്തിൽ വിവാഹപൂർവ്വ കൗൺസലിംഗ് ക്ലാസ് യൂണിയൻ ഷോപ്പിംഗ് കോപ്ലക്സിലെ സരസകവി മൂലൂർ സ്മാരക ഹാളിൽ ഇന്നും നാളെയും നടക്കും. ഇന്ന് രാവിലെ 9.30 ന് യൂണിയൻ അഡ്.കമ്മിറ്റി വൈസ് ചെയർമാൻ രാഖേഷ് പി.ആറിന്റെ അദ്ധ്യക്ഷതയിൽ കൂടുന്ന യോഗത്തിൽ യൂണിയൻ ചെയർമാൻ അനിൽ അമ്പാടി ഉദ്ഘാടനം നിർവ്വഹിക്കും. യൂണിയൻ അഡ്.കമ്മറ്റി അംഗം അനിൽ കണ്ണാടി സംസാരിക്കും. അഡ്.കമ്മറ്റി അംഗങ്ങളായ കെ.ആർ.മോഹനൻ സ്വാഗതവും സുരേഷ് വല്ലന നന്ദിയും പറയും. നാളെ വൈകിട്ട് 4.30 ന് യൂണിയൻ അഡ്.കമ്മറ്റി അംഗം കെ.ആർ.മോഹനന്റെ അദ്ധ്യക്ഷതയിൽ കൂടുന്ന സമാപന യോഗത്തിൽ യൂണിയൻ കൺവീനർ അനിൽ പി.ശ്രീരംഗം സർട്ടിഫിക്കറ്റ് വിതരണം നിർവഹിക്കും. യൂണിയൻ അഡ്.കമ്മറ്റി അംഗം ബി.ജയപ്രകാശ് തൊട്ടാവാടി സ്വാഗതവും എസ്.ദേവരാജൻ നന്ദിയും പറയും.