ചേർത്തല: രക്തസാക്ഷി സ്മരണകളുണർത്തി വയലാർ-മേനാശേരി മണ്ഡപങ്ങളിൽ ചെങ്കൊടി ഉയർന്നു. മേനാശേരിയിൽ നിന്നും വിവിധ കേന്ദ്രങ്ങളിലെ സ്വീകരങ്ങൾ ഏറ്റുവാങ്ങി ജാഥയായി വയലാറിലെത്തിച്ച പതാക സി.പി.എം ജില്ലാ സെക്രട്ടറി ആർ.നാസർ ഉയർത്തി.തുടർന്നു നടന്ന സമ്മേളനം മന്ത്റി പി.പ്രസാദ് ഉദ്ഘാടനം ചെയ്തു. കേന്ദ്ര വാരാചരണ കമ്മി​റ്റി പ്രസിഡന്റ് എൻ.എസ്.ശിവപ്രസാദ് അദ്ധ്യക്ഷത വഹിച്ചു. സി.പി.എം സംസ്ഥാന കമ്മി​റ്റിയംഗം സി.ബി.ചന്ദ്രബാബു,സി.പി.ഐ ജില്ലാ സെക്രട്ടറി ടി.ജെ.ആഞ്ചലോസ്,എ.എം.ആരിഫ് എംപി,സി.പി.ഐ ദേശീയ കൗൺസിലംഗം ടി.ടി.ജിസ്‌മോൻ,മനു.സി.പുളിക്കൽ,ഡി.സുരേഷ് ബാബു,കെ.പ്രസാദ്,പി.കെ.സാബു,എം.സി.സിദ്ധാർത്ഥൻ,എസ്.പ്രകാശൻ,ദലീമ എം.എൽ.എ തുടങ്ങിയവർ പങ്കെടുത്തു.മേനാശ്ശേരിയിൽ നിന്നുള്ള പതാക ജാഥാ ക്യാപ്റ്റൻ എം.കെ.ഉത്തമനിൽ നിന്ന് ജി.ബാഹുലേയൻ ഏ​റ്റവാങ്ങി.
വൈകിട്ട് മേനാശേരി രക്തസാക്ഷി മണ്ഡപത്തിൽ മുതിർന്ന കമ്മ്യൂണിസ്​റ്റ് നേതാവ് എൻ.കെ.സഹദേവൻ പതാക ഉയർത്തി.തുടർന്നു നടന്ന സമ്മേളനത്തിൽ വാരാചരണ കമ്മി​റ്റി പ്രസിഡന്റ് ടി.എം.ഷെറീഫ് അദ്ധ്യക്ഷനായി. നേതാക്കളായ ടി.ജെ ആഞ്ചലോസ്,ടി.ടി.ജിസ്‌മോൻ, ടി.വി.അനിത,എൻ.എസ് ശിവപ്രസാദ്,പി.കെ.സാബു,എം.സി.സിദ്ധാർത്ഥൻ,പി.ഡി.ബിജു,ടി.കെ രാമനാഥൻ,കെ.ജി.പ്രിയദർശനൻ,സി.കെ.മോഹനൻ, എസ്.പി.സുമേഷ്, വി.എ. അനീഷ്,വി.ജി.മുരളീധരൻ,പി.വി.വിജയൻതുടങ്ങിയവർ പങ്കെടുത്തു.25 ന് മേനാശേരി രക്തസാക്ഷി ദിനാചരണം നടക്കും.വൈകിട്ട് പൊന്നാംവെളിയിൽ അനുസ്മരണ സമ്മേളനം നടക്കും.
വാരാചരണത്തിന് സമാപനം കുറിച്ച് 27 ന് വയലാർ രക്തസാക്ഷി ദിനാചരണം സംഘടിപ്പിക്കും.പുന്നപ്ര വലിയ ചുടുകാട്ടിൽ നിന്നും മേനാശേരിയിൽ നിന്നും അത്ല​റ്റുകളുടെ നേതൃത്വത്തിൽ ദീപശിഖകൾ എത്തും.വാരാചരണ കമ്മി​റ്റി പ്രസിഡന്റ് എൻ.എസ്.ശിവപ്രസാദ് ദീപശിഖ ഏ​റ്റുവാങ്ങി മണ്ഡപത്തിൽ സ്ഥാപിക്കും.ഉച്ചയ്ക്ക് 2ന് വയലാർ രാമവർമ്മ അനുസ്മരണ സമ്മേളനവും വൈകിട്ട് പൊതു സമ്മേളനവും നടക്കും.മുഖ്യമന്ത്റി പിണറായി വിജയൻ,സി.പി.ഐ സംസ്ഥാന സെക്രട്ടറി കാനം രാജേന്ദ്രൻ സി.പി.എം സംസ്ഥാന സെക്രട്ടറി എം.വി ഗോവിന്ദൻ തുടങ്ങിയവർ പങ്കെടുക്കും.