ചേർത്തല: താലൂക്ക് ആശുപത്രിയിൽ കിഫ്ബി പദ്ധതിയിൽ ഉൾപ്പെടുത്തി 58.09 കോടിയുടെ നിർമ്മാണ പ്രവർത്തനങ്ങളുടെ അവലോകനം നടന്നു. കെട്ടിട നിർമ്മാണത്തിന്റെ ഭാഗമായി ആശുപത്രിയിൽ വരുത്തുന്ന ക്രമീകരണങ്ങൾ യോഗം വിലയിരുത്തി. നിലവിലുള്ള കെട്ടിടം പൊളിച്ചുമാ​റ്റുമ്പോൾ ഒ.പി പ്രവർത്തിക്കാനായി കെ.എച്ച്.ആർ.ഡബ്ല്യു.എസിന്റെ പേ വാർഡ് വിട്ടുനൽകാൻ സർക്കാരിനെ സമീപിക്കും. നഗരസഭ പൊളിച്ചുമാ​റ്റേണ്ട കെട്ടിടങ്ങൾ ഒരു മാസത്തിനകം പൊളിച്ചുമാറ്റും. ചെയർപേഴ്സൺ ഷേർളി ഭാർഗവൻ അദ്ധ്യക്ഷയായി.വൈസ് ചെയർമാൻ ടി.എസ്.അജയകുമാർ, സ്​റ്റാൻഡിംഗ് കമ്മി​റ്റി ചെയർമാൻമാരായ ജി.രഞ്ജിത്ത്,എ.എസ്.സാബു,കൃഷി വകുപ്പ് മന്ത്റിയുടെ അഡീഷണൽ പ്രൈവ​റ്റ് സെക്രട്ടറി സി.എ.അരുൺകുമാർ, ജില്ലാ മെഡിക്കൽ ഓഫീസർ ഡോ.ജമുന വർഗിസ്,
നഗരസഭ സെക്രട്ടറി ടി.കെ.സുജിത് ആശുപത്രി സൂപ്രണ്ട് ഡോ.എൻ,അനിൽകുമാർ.എൻ,ആർദ്റം മിഷൻ ജില്ലാ നോഡൽ ഓഫീസർ ഡോ.ഡീവർ പ്രഹ്ളാദ്, ആർ.എം.ഒ. പ്രവീൺ എന്നിവർ പങ്കെടുത്തു.