മാവേലിക്കര: ചെട്ടികുളങ്ങരയിൽ സ്കൂട്ടറും ബൈക്കും കൂട്ടിയിടിച്ച് സ്കൂട്ടർ യാത്രക്കാരൻ മരിച്ചു, മൂന്നുപേർക്ക് പരിക്കേറ്റു. തെക്കേക്കര വരേണിക്കൽ ശ്രീസദനത്തിൽ ശ്രീകുമാർ (54) ആണ് മരിച്ചത്. ശ്രീകുമാറി​ന് ഒപ്പം സ്കൂട്ടറി​ലുണ്ടായി​രുന്ന ബന്ധു മേനാമ്പള്ളി ഉഷാസദനത്തിൽ കൃഷ്ണപിള്ള (60), ബൈക്കി​ൽ സഞ്ചരി​ച്ചി​രുന്ന വെൺമണി സ്വദേശി ആദിത്യൻ,ചെങ്ങന്നൂർ ചെറിയനാട് സ്വദേശി മീനാക്ഷി എന്നിവരെ ഗുരുതര പരിക്കുകളോടെ മാവേലിക്കരയിലേയും തിരുവല്ലയിലേയും സ്വകാര്യ ആശുപത്രികളിൽ പ്രവേശിപ്പിച്ചു.

ആദിത്യനും മീനാക്ഷിയും മാവേലിക്കര ഐ.എച്ച്.ആർ.ഡി കോളേജിലെ വിദ്യാർത്ഥികളാണ്. ഇന്നലെ വൈകിട്ട് 3.30ഓടെ ചെട്ടികുളങ്ങര വലിക്കോലിൽ ജംഗ്ഷന് സമീപമായി​രുന്നു അപകടം. ചെട്ടികുളങ്ങര സ്റ്റാർ വർക്ക്‌ ഷോപ്പ് ഉടമയായ കൃഷ്ണപിള്ള ഓടിച്ചിരുന്ന ആക്ടിവാ സ്‌കൂട്ടറും ആദിത്യൻ ഓടിച്ചിരുന്ന ഡ്യൂക്ക് ബൈക്കും കൂട്ടിയിടിക്കുകയായിരുന്നു. ആക്ടിവയുടെ പിന്നിലി​രുന്ന് യാത്ര ചെയ്തിരുന്ന ശ്രീകുമാർ റോഡിലേക്ക് തെറിച്ചു വീണാണ് മരി​ച്ചത്. ബൈക്കിന്റെ പിന്നി​ലിരുന്ന മീനാക്ഷിയുടെ നില ഗുരുതരമാണ്. പ്രസന്നകുമാരിയാണ് ശ്രീകുമാറിന്റെ ഭാര്യ. മക്കൾ: ശ്രീലക്ഷ്മി, പാർവതി.മരുമകൻ​: ശരത്.