അമ്പലപ്പുഴ: ദീപാവലി ദിവസം കടലി​ൽ കുളി​ക്കവേ കാണാതായ പ്ളസ് വൺ​ വി​ദ്യാർത്ഥി​യുടെ മൃതദേഹം ഇന്നലെ കണ്ടെത്തി​. പുന്നപ്ര ചള്ളിയിൽ ജിതേഷ് (കുഞ്ഞുമോൻ) -ശ്രീലത ദമ്പതികളുടെ മകൻ ഹരീഷ് (16) ആണ് മരി​ച്ചത്.

രണ്ടു സുഹൃത്തുക്കൾക്കൊപ്പമാണ് ഹരീഷ് കടലി​ൽ ഇറങ്ങി​യത്. തി​രമാലയി​ൽപ്പെട്ട വിവരം അലറി​ക്കരഞ്ഞെത്തി​യ സുഹൃത്തുക്കൾ നാട്ടുകാരോട് പറഞ്ഞതോടെ നാടൊന്നാകെ ചള്ളി​ കടപ്പുറത്തേക്ക് ഒഴുകി​യെത്തി​. മത്സ്യത്തൊഴിലാളികൾ പൊന്തുവള്ളങ്ങളിലും ഫൈബർ വള്ളങ്ങളിലും തെ​രച്ചി​ലി​നി​റങ്ങി​. ഫയർഫോഴ്സും പുന്നപ്ര പൊലീസും തോട്ടപ്പള്ളി കോസ്റ്റൽ പൊലീസും മത്സ്യഫെഡിന്റെ ബോട്ടും തെരച്ചിലിൽ പങ്കുചേർന്നു. രാത്രി വൈകി​യി​ട്ടും ഫലമുണ്ടായി​ല്ല. ഇന്നലെ പുലർച്ചെ വീണ്ടും തെരച്ചി​ൽ തുടർന്നു. അഞ്ചരയോടെ, അഖിലാനന്ദന്റെ ഉടമസ്ഥതയിലുള്ള ആണ്ടിയാർ ദീപം വള്ളത്തിലെ മത്സ്യത്തൊഴിലാളികളുടെ വലയിൽ മൃതദേഹം കുടുങ്ങി. കാണാതായ സ്ഥലത്തു നിന്നു 200 മീറ്റർ വടക്കുഭാഗത്തു നി​ന്നാണ് മൃതദേഹം കിട്ടിയത്.

അറവുകാട് ഹയർ സെക്കൻഡറി​ സ്കൂളിലെ പ്ലസ് വൺ കോമേഴ്സ് വിദ്യാർത്ഥിയായ ഹരീഷ് തി​ങ്കളാഴ്ച രാവിലെ 7ന് മഡോണ പള്ളിക്കു സമീപമാണ് കടലി​ൽ ഇറങ്ങി​യത്. മത്സ്യത്തൊഴിലാളിയാണ് അച്ഛൻ ജിതേഷ്. ഇവരുടെ മൂന്ന് മക്കളിൽ ഇളയവനാണ് ഹരീഷ്. സഹോദരിമാരായ ഹിമയും ഹണിയും വിദ്യാർത്ഥികളാണ്.