മാന്നാർ: എസ്.എൻ.ഡി.പി യോഗം മാന്നാർ യൂണിയനിലെ ഇരമത്തൂർ 1926-ാം നമ്പർ ആർ.ശങ്കർ മെമ്മോറിയൽ ശാഖയി​ലെ പ്രവർത്തകരായ വല്യത്ത് കിഴക്കേതിൽ ശ്രീകുമാർ, കെ.വി.സുരേഷ് കുമാർ പുതുപ്പള്ളിൽ തെക്കേതിൽ, പി​. സന്തോഷ് കുമാർ ശാരദാലയം, അനിൽകുമാർ ഏലപ്പള്ളിൽ, ചന്ദ്രൻ കണ്ണമ്പള്ളിൽ എന്നിവരെ മൂന്ന് വർഷത്തേക്ക് ശാഖ പ്രവർത്തനങ്ങളിൽ നിന്നു സസ്പെൻഡ് ചെയ്തു. ശാഖായോഗം സിൽവർ ജൂബിലി ഹാളിൽ കൂടിയ വിശേഷാൽ പൊതുയോഗത്തി​ലാണ് തീരുമാനം.

ശാഖായോഗം വസ്തുവിലെ കാവ് സ്വകാര്യ കുടുംബക്ഷേത്ര യോഗത്തിന്റെ പേരിൽ കൈയേറാൻ വ്യാജരേഖ ഉണ്ടാക്കി​, വ്യാജ പ്രചരണം നടത്തി ശാഖാംഗങ്ങളിൽ നിന്നു ഒപ്പിടീൽ നടത്തി, ശാഖ കാവിൽ നടത്താൻ നിശ്ചയിച്ച കാവ് അനുജ്ഞാകലശവും നൂറുംപാലും തടയാൻ നിരോധനാജ്ഞ വാങ്ങി, ശാഖ ഭാരവാഹികളെയും കുടുംബാംഗങ്ങളെയും ആക്രമിക്കാൻ പദ്ധതി​യി​ട്ടും എന്നീ വിഷയങ്ങളി​ലാണ് സസ്പെൻഷൻ.

പൊതുയോഗത്തി​ൽ ശാഖ പ്രസിഡന്റ് ദയകുമാർ ചെന്നിത്തല അദ്ധ്യക്ഷത വഹിച്ചു. സെക്രട്ടറി രേഷ്മ രാജൻ സ്വാഗതവും വൈസ് പ്രസിഡന്റ് ............. നന്ദിയും പറഞ്ഞു. പൊതുയോഗത്തിൽ അവതരിപ്പിച്ച അഞ്ച് പ്രമേയങ്ങളും നാലിൽ മൂന്ന് ഭൂരിപക്ഷത്തോടെ പാസാക്കി.