നെടുമ്പാശേരി: കേരള വ്യാപാരി വ്യവസായി ഏകോപന സമിതി കുറുമശേരി യൂണിറ്റിൽ കുറുമശേരിയിലെ മുഴുവൻ വ്യാപാരികളെയും സംഘടനയിൽ ചേർക്കുന്നതിന്റെ ഭാഗമായുള്ള അംഗത്വ കാമ്പയിൻ ആരംഭിച്ചു. അംഗത്വമുള്ള വ്യാപാരി മരിച്ചാൽ കുടുംബത്തിന് മരണാനന്തര സഹായമായി ഒരു ലക്ഷം രൂപ നൽകുന്നത് ഉൾപ്പെടെയുള്ള കുടുംബ സുരക്ഷാ പദ്ധതിയിൽ ഉൾപ്പെടുത്തുന്നതിന്റെ ഭാഗമായാണ് 12 വരെ കാമ്പയിൻ സംഘടിപ്പിക്കുന്നത്.

പ്രസിഡന്റ് സി.പി.തരിയൻ ഉദ്ഘാടനം ചെയ്തു. യൂണിറ്റ് ജനറൽ സെക്രട്ടറി സി.ഡി.ആന്റു, ട്രഷറർ പ്രമോദ് പള്ളത്ത്, എം.എൻ.ബാബു, എം.വി.രാധാകൃഷ്ണൻ, ടി.പി.ആന്റണി, ടി.ബി.മനോജ്, പി.ഡി.രവീന്ദ്രൻ, സി.എം.ഉണ്ണിക്കൃഷ്ണൻ, സുജിത് എന്നിവർ സംസാരിച്ചു.