ഉദയംപേരൂർ : ശ്രീനാരായണ സംരക്ഷണ സമിതിയുടെ സെക്രട്ടറിയായി 25 വർഷം പ്രവർത്തിക്കുകയും മറ്റ് ഭാരവാഹിത്വം വഹിക്കുകയും ചെയ്ത എം.പി. തങ്കന്റെ ഒന്നാം ചരമവാർഷിക ദിനത്തിൽ അനുസ്മരണ യോഗം ചേർന്നു. എസ്.എൻ.ഡി.പി യോഗം 1084-ാം നമ്പർ ശാഖയുടെ മാനേജിംഗ് കമ്മിറ്റിയംഗം, പഞ്ചായത്ത് കമ്മിറ്റിയംഗം,​ ദേവസ്വം കമ്മിറ്റിയംഗം എന്നീ നിലകളിലും ഗുരുധർമ്മ പ്രചാരസഭ,​ ശ്രീമുരുക കാവടിസംഘം തെക്കും ഭാഗം,​ സെഞ്ച്വറി ടൂർസ്,​ ഷൈൻ ആർട്സ് ക്ലബ്ബ് എന്നീ സംഘടനകളുടെ ഭാരവാഹിയായും പ്രവർത്തിച്ച വ്യക്തിത്വമായിരുന്നു എം.പി. തങ്കൻ. കേരളകൗമുദി പ്രചാരകനുമായിരുന്നു. ശ്രീനാരായണ സംരക്ഷണസമിതി പ്രസിഡന്റ് പി.പി. മണിയുടെ അദ്ധ്യക്ഷതയിൽ നിവേദ്യം ഹാളിൽ ചേർന്ന അനുസ്മരണയോഗത്തിൽ 1084-ാം നമ്പർ ശാഖാ പ്രസിഡന്റ് എൽ.സന്തോഷ്,​ സെക്രട്ടറി ഡി.ജിനുരാജ്,​ വാർഡ് മെമ്പർ സുധ നാരായണൻ തുടങ്ങിയവർ സംസാരിച്ചു. എൻ.എം. നാരായണൻ സ്വാഗതവും പി.സി. ബിനേഷ് നന്ദിയും പറഞ്ഞു.