നെടുമ്പാശേരി: ചെങ്ങമനാട് സഹകരണ ബാങ്കിന്റെ ഗ്രീൻ ചെങ്ങമനാട് പദ്ധതിയുടെ ഭാഗമായി കൊറ്റം പുഞ്ച കാർഷിക കൂട്ടായ്മ നടത്തിയ നെൽക്കൃഷിയുടെ കൊയ്ത്തുത്സവം ബാങ്ക് പ്രസിഡന്റ് പി.ജെ.അനിൽ ഉദ്ഘാടനം ചെയ്തു. ബാങ്ക് ഭരണസമിതി അംഗം എൻ.അജിത്കുമാർ, കാർഷിക ഗ്രൂപ്പ് അംഗങ്ങളായ പി.എൻ. അരുൺകുമാർ, പി.എൻ.പുരുഷോത്തമൻ, വി.ആർ.അരുൺ, എ.ബി. സോമൻ എന്നിവർ പങ്കെടുത്തു. തരിശുകിടന്ന പാടശേഖരത്തിൽ തുടർച്ചയായ മൂന്നാം തവണയാണ് പുഞ്ചകാർഷിക കൂട്ടായ്മ കൃഷി നടത്തിയത്. അഞ്ച് ഏക്കർ സ്ഥലത്ത് മനു രത്‌ന എന്ന നെല്ലാണ് നട്ടു വളർത്തിയത്.