മൂവാറ്രുപുഴ: എസ്.എൻ.ഡി.പി യോഗം മൂവാറ്റുപുഴ യൂണിയന്റെ നേതൃത്വത്തിൽ ആരംഭിച്ച വിവാഹപൂർവ കൗൺസലിംഗ് ക്ലാസ് 64-ാം ബാച്ചിന്റെ ഉദ്ഘാടനം യൂണിയൻ പ്രസിഡന്റ് വി.കെ. നാരായണൻ നിർവഹിച്ചു. യൂണിയൻ വെെസ് പ്രസിഡന്റ് പി.എൻ. പ്രഭ അദ്ധ്യക്ഷത വഹിച്ചു.
യൂണിയൻ സെക്രട്ടറി അഡ്വ.എ.കെ. അനിൽകുമാർ, യോഗം ഡയറക്ടർ ബോർഡ് അംഗങ്ങളായ അഡ്വ.എൻ. രമേശ്, പ്രമോദ് തമ്പാൻ, യൂണിയൻ കൗൺസിലർമാരായ എം.ആർ. നാരായണൻ, പി.ആർ. രാജു, ടി.വി. മോഹനൻ, അനിൽ കാവുംചിറ, യൂണിയൻ പഞ്ചായത്ത് കമ്മിറ്റി അംഗങ്ങളായ എം.എസ്. വിൽസൻ, ശ്രീനിവാസൻ, യൂണിയൻ വനിതാസംഘം പ്രസിഡന്റ് നിർമ്മല ചന്ദ്രൻ, സെക്രട്ടറി ഇൻ ചാർജ് ഭാനുമതി ഗോപിനാഥ്, യൂത്ത് മൂവ്മെന്റ് പ്രസിഡന്റ് എം.ആർ.സിനോജ്, സെക്രട്ടറി പി.എസ്. ശ്രീജിത് എന്നിവർ സംസാരിച്ചു. ഷൈലജ രവീന്ദ്രനും ക്ലിനിക്കൽ സെെക്കോളജിസ്റ്റ് ഫാ.ഡോ. എഡ്വേർഡ് ജോർജും ക്ലാസെടുത്തു.
ഇന്ന് കോട്ടയം യൂണിയൻ വൈസ് പ്രസിഡന്റ് വി.എം. ശശിയും മൂവാറ്റുപുഴ ജനറൽ ആശുപത്രിയിലെ ഗെെനക്കോളജിസ്റ്റ് ഡോ.പ്രിൻസ് സ്ലീബയും ക്ലാസെടുക്കും. വൈകിട്ട് സമാപന സമ്മേളനവും സർട്ടിഫിക്കറ്റ് വിതരണവും നടക്കും.