കുറുപ്പംപടി: മുടക്കുഴ കുടുംബാരോഗ്യ കേന്ദ്രത്തിൽ സർക്കാരിന്റെ കുഷ്ഠരോഗനിവാരണത്തിന്റെ ഭാഗമായി കുഷ്ഠരോഗ നിവാരണയജ്ഞം ആരംഭിച്ചു. 5മുതൽ 18 വയസുവരെയുള്ള കുട്ടികൾക്ക് നിർദ്ദേശങ്ങളും ബോധവത്കരണവും ഉൾപ്പെടെയുള്ള പരിപാടികളുമായിട്ടാണ് യജ്ഞം സംഘടിപ്പിച്ചിട്ടുള്ളത്. പഞ്ചായത്ത് പ്രസിഡന്റ് പി.പി. അവറാച്ചൻ ഉദ്ഘാടനം ചെയ്തു. വൈസ് പ്രസിഡന്റ് റോഷ്നി എൽദോ അദ്ധ്യക്ഷത വഹിച്ചു. സ്ഥിരംസമിതി അദ്ധ്യക്ഷരായ കെ.ജെ. മാത്യു, ജോസ് എ.പോൾ, വത്സ വേലായുധൻ, പഞ്ചായത്ത് അംഗം ഡോളി ബാബു, ബിന്ദു ഉണ്ണി, ഡോ. രാജിക കുട്ടപ്പൻ, ഹെൽത്ത് ഇൻസ്പക്ടർ ജിജി എന്നിവർ പ്രസംഗിച്ചു.