കോലഞ്ചേരി: പൂതൃക്ക പഞ്ചായത്ത് കുടുംബശ്രീയുടെ നേതൃത്വത്തിൽ സാമൂഹ്യമേള സംഘടിപ്പിച്ചു. പഞ്ചായത്ത് പ്രസിഡന്റ് ടി.പി. വർഗീസ് ഉദ്ഘാടനം ചെയ്തു. സി.ഡി.എസ് ചെയർപേഴ്‌സൺ ഹേമലത രവി അദ്ധ്യക്ഷയായി.
വൈസ് പ്രസിഡന്റ് സിനി ജോയ്, സ്റ്റാൻഡിംഗ് കമ്മിറ്റി അദ്ധ്യക്ഷന്മാരായ ബിന്ധു ജയൻ , മാത്യൂസ് കുമ്മണ്ണൂർ, അഡ്വ.ബിജു കെ. ജോർജ്, ജില്ലാ പഞ്ചായത്ത് അംഗം ലിസി അലക്‌സ്, ബ്ലോക്ക് പഞ്ചായത്ത് അംഗം ഷൈജ റെജി, പഞ്ചായത്ത് അംഗങ്ങളായ നിഷ സജീവ്, ജിംസി മേരി വർഗീസ്, സംഗീത ഷൈൻ, എം.വി. ജോണി, ടി.വി.രാജൻ, ശോഭന സലീപൻ, കുടുംബശ്രീ ജില്ലാ പ്രോഗ്രാം ഓഫീസർ ഷൈൻ ടി. മണി തുടങ്ങിയവർ സംസാരിച്ചു. രണ്ട് ദിവസങ്ങളിലായി നടക്കുന്ന സാമൂഹ്യമേളയിൽ വിവിധ തരത്തിലുള്ള മത്സരങ്ങൾ, കാർഷിക വിപണന മേളകൾ ഉത്പന്ന പ്രദർശനങ്ങൾ എന്നിവയുണ്ടാകും.