ആലുവ: ആലുവ താലൂക്കിൽ അനർഹമായി മുൻഗണന റേഷൻകാർഡ് വാങ്ങിയ 26 പേർക്കെതിരെ 'ഓപ്പറേഷൻ യെല്ലോ" പരിശോധനയുടെ ഭാഗമായി നടപടിയെടുത്തെന്ന് താലൂക്ക് സപ്ളൈ ഓഫീസർ അറിയിച്ചു.

44,​761 രൂപ പിഴ ഈടാക്കുകയും 60,​156 രൂപ പിഴ ഒടുക്കുന്നതിനായി കാർഡ് ഉടമകൾക്ക് നോട്ടീസ് നൽകുകയും ചെയ്തിട്ടുണ്ട്. 1,​000 ചതുരശ്രഅടിയിൽ അധികം വിസ്തൃതിയിലുള്ള വീടുള്ളവർ, നാല് ചക്രവാഹനം സ്വന്തമായുള്ളവർ, 25,000 രൂപയിൽ അധികം മാസ വരുമാനമുള്ളവർ, വിദേശത്ത് ജോലിയുള്ളവർ എന്നീ വിഭാഗത്തിൽ പെട്ടവർക്കെതിരെയാണ് നടപടി.