മൂവാറ്റുപുഴ: വാട്ടർ അതോറിട്ടി​യുടെ പ്രധാന ജലവിതരണ പൈപ്പ് പൊട്ടി നഗരത്തിലും സമീപ പഞ്ചായത്തുകളിലും മുടങ്ങിയ ജലവിതരണം പുന:സ്ഥാപിച്ചു. തിങ്കളാഴ്ച രണ്ടു മണിയോടെയാണ് കച്ചേരി താഴത്ത് പൈപ്പ് പൊട്ടി ജലവിതരണം മുടങ്ങിയത്. കരാറുകാർ സമരത്തിലായതോടെ അറ്റകുറ്റപ്പണി​ നടത്താൻ കഴിയാതെ ഉദ്യോഗസ്ഥർ ബുദ്ധിമുട്ടിലായി. ഇതോടെ സംഭവത്തിൽ മാത്യു കുഴൽ നാടൻ എം. എൽ. എ ഇടപെട്ടു. തുടർന്ന് കരാറുകാരുമായി സംസാരിച്ച് അറ്റകുറ്റപ്പണി അടിയന്തരമായി പൂർത്തിയാക്കാൻ നിർദേശിക്കുകയായിരുന്നു. പണിമുടക്കിലായിരുന്നിട്ടും വാട്ടർ അതോറിട്ടി​ ഉദ്യോഗസ്ഥരുടെ നിർദേശപ്രകാരം കരാറുകാർ അടിയന്തരമായി പണി പൂർത്തിയാക്കാൻ എത്തുകയായിരുന്നു. ചൊവ്വാഴ്ച രാത്രി 8.30ഓടെയാണ് ജല വിതരണം പുന:സ്ഥാപിചത് . കരാറുകാരുടെ സമരം അടിയന്തിരമായി ഒത്തുതീർപ്പാക്കണമെന്ന് മാത്യു കുഴൽ നാടൻ എം എൽ എ സർക്കാരിനോടാവശ്യപെട്ടു.