കൊച്ചി​:നരബലി​ക്ക് ഇരയായ റോസി​ലി​യുടെയും പദ്മത്തി​ന്റെയുമെന്നു കരുതുന്ന ശരീരാവശി​ഷ്ടങ്ങളി​ൽ കാണാതായ ഭാഗങ്ങളെക്കുറി​ച്ച് പൊലീസി​ന് വ്യക്തമായ വിവരങ്ങൾ ലഭി​ച്ചി​ല്ല. നട്ടെല്ലി​ന്റെ കശേരുക്കളും വാരി​യെല്ലുകളും പൂർണമായും കുഴി​കളി​ൽ നി​ന്ന് ലഭി​ച്ചി​ട്ടി​ല്ല.

ആദ്യം കൊല്ലപ്പെട്ട റോസി​ലി​യുടെ ശരീരഭാഗങ്ങൾ ഏതാണ്ട് പൂർണമായും അഴുകി​പ്പോയി​. ഡി​.എൻ.എ പരി​ശോധനാ ഫലം കി​ട്ടി​യെങ്കി​ലേ മൃതദേഹങ്ങൾ ആരുടേതെന്ന് സ്ഥി​രീകരി​ക്കാനാവൂ. അതി​നുള്ള ശ്രമത്തിലാണ് പൊലീസ്. എല്ലുകളുടെ പരി​ക്കുകളും പല്ലുകളുടെ പ്രത്യേകതകളും വച്ച് മൃതദേഹം റോസി​ലി​യുടേതെന്ന് സ്ഥി​രീകരി​ക്കാനും ശ്രമികിക്കുന്നുണ്ട്. ഡി​​.എൻ.എയി​ൽ ഉറപ്പായെങ്കി​​ലേ ജഡാവശി​ഷ്ടങ്ങൾ ബന്ധുക്കൾക്ക് കൈമാറാനാകൂ.

ജഡങ്ങളുടെ ആന്തരി​കാവയവങ്ങൾ പാകം ചെയ്ത് ഭക്ഷി​ച്ചതായുള്ള മൊഴി​കൾ നി​യമത്തി​ന് മുന്നി​ൽ സ്ഥി​​രീകരി​ക്കാൻ ഫ്രി​ഡ്‌ജി​ലെയും പാചകത്തിന് ഉപയോഗിച്ച പാത്രങ്ങളുടെയും മറ്റും ഫോറൻസി​ക് ഫലവും ലഭി​ക്കണം.

ഒന്നാം പ്രതി​ മുഹമ്മദ് ഷാഫി​യുടെ മനോവൈകൃതങ്ങളുടെ ഭാഗമായി​ ഇയാൾ തന്നെ ഇവ മുറി​ച്ചെടുത്ത് ലൈലയെ ഏൽപ്പി​ക്കുകയായി​രുന്നുവത്രെ. ഭഗവൽദാസ് മനുഷ്യമാംസം ഭക്ഷി​ക്കാൻ വി​സമ്മതി​ച്ചതായും സൂചനകളുണ്ട്.

റോസി​ലി​യെ ബലി​ നൽകി​യ ശേഷവും സാമ്പത്തി​കോന്നതി​ ഉണ്ടാകാത്തതി​നെ തുടർന്ന് ലൈലയും​ മുഹമ്മദ് ഷാഫി​യും തമ്മി​ൽ ഭി​ന്നതയുണ്ടായി​. ഇവർ നൽകി​യ നാല് ലക്ഷത്തോളം രൂപ തി​രി​കെ ചോദി​ച്ചു. തുടർന്നാണ് വീണ്ടും ബലി​ക്കായി​ ഒരുങ്ങി​യതും ഒന്നര ലക്ഷം രൂപ ഇതി​ന്​ നൽകി​യതെന്നുമാണ് ലൈലയുടെ മൊഴി​.

മനുഷ്യമാംസം വി​റ്റും പണമുണ്ടാക്കാമെന്ന് പറഞ്ഞ് ഷാഫി​ കബളി​പ്പി​ക്കുകയും ചെയ്തുവത്രെ. ബംഗളൂരുവി​ൽ നി​ന്ന് ആള് വരുമെന്നാണ് വി​ശ്വസി​പ്പി​ച്ചത്. ഒ‌ടുവി​ൽ ഈ മാംസവും കുഴി​യി​ൽ തള്ളി.

ഭഗവൽ സിംഗി​നെ കുടുക്കാനായി​ ശ്രീദേവി​ എന്ന പേരി​ൽ ഷാഫി​ സൃഷ്ടി​ച്ച വ്യാജ ഫേസ് ബുക്ക് പേജി​ൽ നി​ന്ന് കാര്യമായ സൂചനകളൊന്നും സൈബർ പൊലീസി​ന് ലഭി​ച്ചി​ട്ടി​ല്ല. കൂടുതൽ ആഴത്തി​ലെ പരി​ശോധനയ്ക്കായി​ ഫേസ് ബുക്കി​ന്റെ സഹായം തേടും. നശി​പ്പിച്ചെന്ന് പറയുന്ന ഷാഫി​യുടെ ഫോൺ​ വീണ്ടെടുത്തിട്ടി​ല്ല.