ആലുവ: ആലുവ ലക്ഷ്മി നഴ്സിംഗ് ഹോം ഉടമ ആലുവ പാലസ് റോഡ് നെസി​ൽ ഡോ. എം.എൻ. മുകുന്ദൻ (86) നിര്യാതനായി. ഭക്ഷണ ശേഷം വിശ്രമിക്കുന്നതിനിടെ ഇന്നലെ വൈകിട്ട് അഞ്ചരയോടെ വീട്ടിൽ വച്ചായിരുന്നു അന്ത്യം.

സംസ്കാരം ഇന്ന് രാവിലെ പത്തിന് തോട്ടക്കാട്ടുകര എസ്.എൻ.ഡി.പി ശ്മശാനത്തിൽ.

ഭാര്യ: പരേതയായ ഇന്ദിര. മക്കൾ: ഡോ. ശ്യാം മുകുന്ദൻ, മിനി സജീവ്. മരുമക്കൾ: ടി.ആർ. സജീവ്, ഡോ. താരാ ശ്യാം.

മദ്രാസ് സ്റ്റാൻലി മെഡിക്കൽ കോളജിൽ നിന്ന് ഒന്നാം റാങ്കും എട്ട് സ്വർണ മെഡലും നേടിയാണ് എം.ബി.ബി.എസ് ബിരുദമെടുത്തത്. ഐ.എം.എ മദ്ധ്യമേഖല പ്രസിഡന്റ്, എസ്.എൻ.ഡി.പി യോഗം ബോർഡ് മെമ്പർ, എസ്.എൻ ട്രസ്റ്റ് ബോർഡ് മെമ്പർ, ശ്രീനാരായണ സുഹൃദ് സമിതി, പെരിയാർ ക്ളബ് എന്നിവയുടെ സ്ഥാപകാംഗം എന്നീ നിലകളിൽ പ്രവർത്തിച്ചിട്ടുണ്ട്.