മൂവാറ്റുപുഴ: കോടതിയിൽ സാക്ഷി പറയാനെത്തിയ ആളെ വധിക്കുമെന്ന് ഭീഷണിപ്പെടുത്തിയ കേസിലെ പ്രതി അറസ്റ്റിൽ. കീഴില്ലം സൗത്ത് പരുത്തുവേലിപ്പടി ഭാഗത്ത് ശ്രീനിലയത്തിൽ ശ്രീകൃഷ്ണദത്തി​(50)നെയാണ് മൂവാറ്റുപുഴ പൊലീസ് അറസ്റ്റ് ചെയ്തത്. കുന്നത്തുനാട് പൊലീസ് സ്റ്റേഷനിൽ രജിസ്റ്റർ ചെയ്ത അടിപിടിക്കേസിൽ മൂവാറ്റുപുഴ സെഷൻസ് കോടതിയിൽ സാക്ഷി പറയാനെത്തിയ രാജു എന്നയാളെ അനുകൂലമായി മൊഴി പറഞ്ഞില്ലെങ്കിൽ കൊന്നുകളയുമെന്ന് ഭീഷണിപ്പെടുത്തി​യെന്നാണ് കേസ്. ഇൻസ്പെക്ടർ കെ.എൻ.രാജേഷ്, എസ്.ഐമാരായ പി.കെ.മോഹനൻ, ഇ.ആർ.ഷിബു, ഏ.എസ്.ഐ ബിനു വർഗീസ്, സി.പി.ഒമാരായ ഇബ്രാഹിംകുട്ടി, പി.എസ്.സനൂപ് തുടങ്ങിയവരാണ് അന്വേഷണ സംഘത്തിലുള്ളത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.