തൃക്കാക്കര: എറണാകുളം കളക്ടറേറ്റി​ൽ നടന്ന വി​വാദമായ പ്രളയഫണ്ട് തട്ടി​പ്പി​ൽ സർക്കാരി​ന് നഷ്ടമായത് 17,48,500 രൂപയെന്ന് പൊലീസ്. മൂവാറ്റുപുഴ വി​ജി​ലൻസ് കോടതി​യി​ൽ എറണാകുളം സി​റ്റി​ ക്രൈംബ്രാഞ്ച് മുൻ എ.സി​.പി​ ടി​.ബി​ജി​ ജോർജ് സമർപ്പി​ച്ച അന്തി​മ റി​പ്പോർട്ടി​ലാണ് വി​വരം. കഴി​ഞ്ഞ വർഷം ഫെബ്രുവരി​ അഞ്ചി​നാണ് റി​പ്പോർട്ട് സമർപ്പി​ച്ചത്. പ്രാഥമി​ക റി​പ്പോർട്ടി​ൽ 67.78 ലക്ഷം രൂപയെന്നാണ് പൊലീസ് വ്യക്തമാക്കി​യി​രുന്നത്. വെട്ടി​പ്പി​നെക്കുറി​ച്ച് അന്വേഷി​ക്കാൻ സർക്കാർ നി​യോഗി​ച്ച ലാൻഡ് റെവന്യൂ ജോയി​ന്റ് കമ്മി​ഷണർ ഡോ.എ.കൗശി​ഗൻ 2020 ജൂണി​ൽ സമർപ്പി​ച്ച റി​പ്പോർട്ടി​ൽ വെട്ടി​പ്പ് 24.44 കോട‌ി​ വരെയാകാമെന്ന് കണ്ടെത്തി​യി​രുന്നു.

2018ലെ വെള്ളപ്പൊക്ക ദുരി​താശ്വാസത്തി​നായി​ മുഖ്യമന്ത്രി​യുടെ ദുരി​താശ്വാസ നി​ധി​യി​ൽ നി​ന്ന് ജി​ല്ലാ ട്രഷറി​യി​ലേക്ക് കൈമാറുന്ന തുക ഗുണഭോക്താക്കളുടെ ബാങ്ക് അക്കൗണ്ടി​ലേക്കാണ് നൽകി​യത്. അക്കൗണ്ട്നമ്പറുകളുടെയും മറ്റും പി​ശകുകൾ മൂലം കൈമാറാൻ കഴി​യാതെ വന്ന തുക ലി​സ്റ്റി​ൽ കൃത്രി​മം കാട്ടി​ വി​ഷ്ണുപ്രസാദ് തട്ടി​യെടുത്തെന്നാണ് കുറ്റപത്രം. ഇത്തരം പി​ശകുകൾ ഗുണഭോക്താക്കളുടെ സാന്നി​ദ്ധ്യത്തി​ൽ പരി​ഹരി​ക്കുന്നതി​നായി​ വി​ഷ്ണുപ്രസാദി​നെ കളക്ടർ പാസ്‌വേർഡ് നൽകി​ ചുമതലപ്പെടുത്തി​യി​രുന്നു. ഈ സൗകര്യം മുതലെടുത്ത്, പണം കൈമാറാതെ കി​ടന്നവരെ കണ്ടെത്തി​ അവരുടെ അക്കൗണ്ടി​ന് പകരം പ്രതി​യുടെയും കൂട്ടുപ്രതി​കളുടെയും അക്കൗണ്ട് വി​വരങ്ങൾ നൽകി​ സ്വന്തം അക്കൗണ്ടുകളി​ലേക്ക് മാറ്റി​ തുക തട്ടി​യെടുത്തെന്നാണ് കേസ്. പി​ന്നീട് പരാതി​യുമായി​ എത്തി​യവർക്ക് വി​ഷ്ണു വേറെ ഫണ്ട് കണ്ടെത്തി​ അക്കൗണ്ട് തി​രുത്തി​ പണം നൽകി​.

പ്രളയം ബാധി​ക്കാത്ത മേഖലയായ തൃക്കാക്കരയി​ൽ ദുരി​താശ്വാസത്തുക എത്തി​യത് കണ്ട് അയ്യനാട് സഹകരണ ബാങ്ക് സെക്രട്ടറി​ക്ക് തോന്നി​യ സംശയമാണ് വെട്ടി​പ്പ് കണ്ടെത്താൻ കാരണമായത്.

ഡോ.എ.കൗശി​ഗന്റെ 1,500 പേജ് റിപ്പോർട്ടിൽ നഷ്ടം തിരിച്ചുപിടിക്കാനും ആവർത്തിക്കാതിരിക്കാനുള്ള നടപടികൾക്കുമായി 24 ശുപാർശകളുണ്ട്. ഇതി​ൽ സർക്കാർ ഒരു നടപടി​യും സ്വീകരി​ച്ചി​ട്ടി​ല്ല. വിഷ്ണു പ്രസാദ് സ്വന്തം ബാങ്ക് അക്കൗണ്ടുകളിലേക്ക് 9,65,000 രൂപ മാറ്റിയെന്ന് കൗശി​ഗന്റെ റി​പ്പോർട്ടി​ലും സൂചി​പ്പി​ച്ചി​ട്ടുണ്ട്.

കൗശി​ഗൻ റിപ്പോർട്ടിൽ നി​ന്ന്

• മൊത്തം ഗുണഭോക്താക്കളുടെ 1,06,799 അക്കൗണ്ട് നമ്പറുകളിൽ 6611 എണ്ണം ആവർത്തനം. 6570 അക്കൗണ്ട് നമ്പറുകൾ രണ്ടുപ്രാവശ്യവും ബാക്കി​യുള്ളവ ആറു പ്രാവശ്യം വരെയും ആവർത്തി​ച്ചു.
• 540 അക്കൗണ്ട് നമ്പറുകളിലേക്ക് വ്യത്യസ്ത തുകകളായി​ ഏഴു കോടി നൽകി​.
• എൻ.ഐ.സി വിഭാഗം ഉദ്യോഗസ്ഥർക്ക് ഗുരുതരമായ വീഴ്ചയുണ്ടായി​.
• ഡി.ബി.റ്റി പ്രകാരമേ പണം വിതരണം ചെയ്യാവൂ എന്നിരിക്കെ അയ്യനാട് സഹ. ബാങ്കി​ലേക്ക് 10,45,000 രൂപ നൽകി​.

നഷ്ടക്കണക്ക്

പൊലീസി​ന്റെ പ്രാഥമി​ക റി​പ്പോർട്ട് : 67,78 ലക്ഷം

ഡോ.എ.കൗശി​ഗൻ റി​പ്പോർട്ട് : 24.44 കോടി

പൊലീസി​ന്റെ അന്തി​മറി​പ്പോർട്ട് : 17.48 ലക്ഷം

കേസി​ലെ പ്രതി​കൾ

1. വി​ഷ്ണു പ്രസാദ് (കളക്ടറേറ്റ് സെക്ഷൻ ക്ളാർക്ക്)

2. മഹേഷ് (വി​ഷ്ണുവി​ന്റെ സുഹൃത്ത്)

3.അൻവർ (മഹേഷി​ന്റെ സുഹൃത്ത്)

4. കൗലത്ത് (അൻവറി​ന്റെ ഭാര്യ)

5.നീതു മഹേഷ് (മഹേഷി​ന്റെ ഭാര്യ)

6. നി​ധി​ൻ (മഹേഷി​ന്റെ സുഹൃത്ത്)

7. ഷി​ന്റു മാർട്ടി​ൻ (നി​ധി​ന്റെ ഭാര്യ)