മരട്: മട്ടമ്മൽ അയ്യൻ വൈദ്യർ മെമ്മോറിയൽ ട്രസ്റ്റിന്റെ 18-ാമത് വാർഷികവും കുടുംബ സംഗമവും നടന്നു. കെ. ബാബു എം.എൽ.എ ഉദ്ഘാടനം ചെയ്തു. ട്രസ്റ്റ് പ്രസിഡന്റ് എം.എ. കമലാക്ഷൻ വൈദ്യരുടെ അദ്ധ്യക്ഷത വഹിച്ചു. തൃപ്പൂണിത്തുറ ഗവ. ആയുർവ്വേദ കോളേജ് പൊഫസർ ഡോ.സി.വി. ശ്രീവിദ്യ വിദ്യാഭ്യാസ അവാർഡുകൾ വിതരണം ചെയ്തു.

മരട് നഗരസഭാ ചെയർമാൻ ആന്റണി ആശാൻപറമ്പിൽ, കൗൺസിലർ അനീഷ് ഉണ്ണി, ട്രസ്റ്റ് സെക്രട്ടറി ഡോ.എ.കെ. ബോസ്, ട്രഷറർ എം.ജി. സന്തോഷ് കുമാർ, നെട്ടൂർ- മാടവന ശ്രീനാരായണ സേവാസംഘം വൈസ് പ്രസിഡന്റ് എ.ആർ. പ്രസാദ്, തേവര മട്ടമ്മൽ ഫാമിലി അസോസിയേഷൻ സെക്രട്ടറി അഡ്വ.എം.കെ. രാധാകൃഷ്ണൻ, പച്ചാളം അഞ്ചിപ്പറമ്പിൽ ഫാമിലി അസോസിയേഷൻ ഭരണസമിതി അംഗം ഡോ. ഭഗവൽദാസ്, എസ്.എൻ.ഡി.പി യോഗം 1404-ാംനമ്പർ നെട്ടൂർ- മാടവന ശാഖാ പ്രസിഡന്റ് അജയഘോഷ് എന്നിവർ സംസാരിച്ചു.

അയ്യൻ വൈദ്യർ മെമ്മോറിയൽ ഗോൾഡ് മെഡൽ ഡോ. ഷാനി സി. ഷാജു (ഗവ. ആയുർവ്വേദ കോളേജ്, തൃപ്പൂണിത്തുറ), അഡ്വ.എം.എ.സരോജിനി മെമ്മോറിയൽ ഗോൾഡ് മെഡൽ ഇ. രേഷ്മ (ഗവ. ലാ കോളേജ്, എറണാകുളം), എക്സലൻസ് അവാർഡ് ദീപ്തി (നർത്തകി) എന്നിവർക്ക് നൽകി. 80 വയസ്സ് പൂർത്തിയായ കുടുംബാംഗങ്ങളെ ചടങ്ങിൽ ആദരിച്ചു. തുടർന്ന് കുടുംബാംഗങ്ങളുടെ കലാപരിപാടികളും അരങ്ങേറി.