പൂജപ്പുര: പൂജപ്പുര ഉണ്ണി നഗർ റസിഡന്റ്സ് അസോസിയേഷൻ സംഘടിപ്പിച്ച തലമുറ സംഗമം കേന്ദ്ര സാഹിത്യ അക്കാഡമി ഉപദേശക സമിതി അംഗം ഡോ. കായംകുളം യൂനുസ് ഉദ്ഘാടനം ചെയ്തു. മുതിർന്ന തലമുറയുടെ അനുഭവ പാഠങ്ങൾ ഉൾക്കൊള്ളുവാനും, അവർ നേരിടുന്ന പ്രശ്നങ്ങൾക്ക് പരിഹാരം കണ്ടെത്താനും ഇന്നത്തെ തലമുറയ്ക്ക് ഉത്തരവാദിത്വമുണ്ടെന്ന് അദ്ദേഹം ചൂണ്ടിക്കാട്ടി. പുര- എൽഡേഴ്സ് ഫോറം പ്രസിഡന്റ് പി. അച്യുതൻ നായർ അദ്ധ്യക്ഷത വഹിച്ച യോഗത്തിൽ ചന്ദ്രസേനൻ മിതൃമ്മല, അഹമ്മദ് ഖാൻ, ജി. വിജയകുമാർ, എസ്. വിശ്വംഭരൻ നായർ, ജി. രാധാകൃഷ്ണൻ, വി.എസ്. അനിൽ പ്രസാദ്, അഡ്വ. കെ. വിശ്വംഭരൻ, അഡ്വ. ജി. ജയരാജൻ, വൈഷ്ണവി എന്നിവർ പ്രസംഗിച്ചു.