ഇനി മുതൽ മെട്രോയിലെ യാത്ര വേളകളിൽ സൗജന്യമായി വെെഫെെ സർവ്വീസ് ഉപയോഗിക്കാം. കൊച്ചി മെട്രോ യാത്രക്കാർക്ക് മികച്ച സേവനങ്ങൾ നൽകുന്നതിന്റെ ഭാഗമായി എല്ലാ ട്രെയിനുകളിലും സൗജന്യ വെെഫെെ സർച്ചീസ് നടപ്പിലാക്കി. മെട്രോയിലെ യാത്രവേളകളിൽ സൗജന്യവും സുരക്ഷിതവുമായി വെെഫെെ സർവീസ് ഉപയോഗിച്ച് യാത്രക്കാർക്ക് ജോലി ചെയ്യുകയോ വിനോദപരിപാടികൾ ആസ്വദിക്കുകയോ ചെയ്യാം എന്ന് ഉദ്ഘാടനം ചെയ്ത് കൊണ്ട് കെ.എം.ആർ.എൽ എം. ഡി .ലോക്നാഥ് ബെഹ്ര പറഞ്ഞു. നിലവിൽ 4 ജി നെറ്റ് വർക്ക് ആണ് എന്നാൽ 5 ജി വരുമ്പോൾ അപ്ഗ്രേഡ് ചെയ്യും. ഡിജിറ്റൽ ഇന്ത്യ ക്യാമ്പെയിൻ പ്രോത്സാഹിപ്പിക്കുന്നതിന്റെ ഭാഗമായി കെ.എം.ആർ.എലും വേൾഡ്ഷോർ എന്ന കമ്പനിയും ചേർന്നാണ് പദ്ധതി നടപ്പിലാക്കിയത്. സൗജന്യ വെെഫെെ ലഭ്യമാക്കാൻ ഉള്ള വിവരങ്ങൾ എല്ലാ ട്രെയിനുകളിലും പ്രദർശിപ്പിച്ചിട്ടുണ്ട്.

മൊബൈലിൽ വൈഫൈ ഓൺ ചെയ്തതിനു ശേഷം‘KMRL Free Wi-Fi’ സെലക്റ്റ് ചെയ്ത് പേരും മൊബൈൽ നമ്പരും നൽകുക. അപ്പോൾ ലഭിക്കുന്ന ഒടിപി ഉപയോഗിച്ച് സൈൻ ഇൻ ചെയ്ത് യാത്രക്കാർക്ക് കൊച്ചി മെട്രോ നൽകുന്ന സൗജന്യ വൈഫൈ സർവ്വീസ് ഉപയോഗിക്കാം.