തൊടുപുഴ :ജില്ലാ ആശുപത്രിയിൽ ലോക മാനസിക ആരോഗ്യ ദിനാചരണം സംഘടിപ്പിച്ചു. ഇടുക്കി ജില്ലാ മാനസികാരോഗ്യ പരിപാടിയുടെ നേതൃത്വത്തിൽ സംഘടിപ്പിച്ച ബോധവൽക്കരണ പരിപാടി ജില്ലാ പഞ്ചായത്ത് മെമ്പർ പ്രൊഫ. എം.ജെ. ജേക്കബ് ഉദ്ഘാടനം ചെയ്തു. ജില്ലാ ആശുപത്രി സൂപ്രണ്ട് ഡോ. പി.എൻ.അജി ചടങ്ങിൽ അദ്ധ്യക്ഷനായി. മുനിസിപ്പൽ വൈസ് ചെയർപേഴ്സൺ ജെസി ജോണി ഈ വർഷത്തെ ലോകമാനസികാരോഗ്യ ദിനാചരണത്തിന്റെ ചിന്താവിഷ
യമായ 'എല്ലാവരുടെയും മാനസികാരോഗ്യവും ക്ഷേമവും ഒരു ആഗോള മുൻഗണനയാക്കുക' എന്ന വിഷയം അവതിരിപ്പിച്ചു. ജില്ലാ മെഡിക്കൽ ഓഫീസർ ഡോ. സരേഷ് വർഗീസ് മുഖ്യപ്രഭാഷണം നടത്തി. ജില്ലാ പ്രോഗ്രാം ഓഫീസർ ഡോ.അനൂപ്. കെ, നഗരസഭാ ആരോഗ്യ സ്റ്റാന്റിംഗ് കമ്മിറ്റി ചെയർമാൻ എം.എ. കരീം, ആശുപത്രി മാനേജ്‌മെന്റ് കമ്മിറ്റി അംഗങ്ങളായ വി.എസ്.അബ്ബാസ്, മൊയ്ദീൻ, ഡെപ്യൂട്ടി നേഴ്‌സിംഗ് സൂപ്രണ്ട് ലിസി വർഗീസ്, നഗരസഭാ കൗൺസിലർ
ശ്രീലക്ഷമി സുധീപ് എന്നിവർ സംസാരിച്ചു.
ശാരീരിക ആരോഗ്യം പോലെ തന്നെ പ്രാധാന്യമുള്ളതാണ് മാനസികാരോഗ്യവുമെന്നും കൃത്യമായി കണ്ടെത്തി നേരെത്തെ ചികിത്സ ആരംഭിച്ചാൽ ഒട്ടുമിക്ക മാനസിക പ്രശ്‌നങ്ങൾക്കും പരിഹാരമുണ്ടെന്നും യോഗം വിലയിരുത്തി. ദിനാചരണത്തിന്റെ ഭാഗമായി പൈങ്ങോട്ടൂർ ശ്രീനാരായണഗുരു കോളേജ് ഓഫ് ആർട്‌സ് ആന്റ് സയൻസ് സോഷ്യൽ വർക്ക്ഡിപ്പാർട്ട്‌മെന്റിലെ വിദ്യാർത്ഥികൾ നടത്തിയ ഫാളാഷ് മോബ്, തൊടുപുഴ ന്യൂമാൻ
കോളേജിലെ എൻ.എസ്.എസ് യൂണിറ്റ് വിദ്യാർത്ഥികളുടെ നേതൃത്വത്തിൽ മൈം എന്നിവ അവതരിപ്പിച്ചു. ചടങ്ങിനോട് അനുബന്ധിച്ച് ജില്ലയിലെ വിവിധ ആരോഗ്യ പ്രവർത്തകർക്കായി നടത്തിയ പരിശീലന പരിപാടിയിൽ നോഡൽ ഓഫീസർ ഡോ. അമൽ അബ്രാഹം, സൈക്യാട്രിസ്റ്റ്ഡോ. ബബിൻ. ജെ. തുറക്കൽ, ക്ലിനിക്കൽ സൈക്കോളജിസ്റ്റ് ആൽബിൻ എൽദോസ് എന്നിവർമാനസികാരോഗ്യത്തിന്റെ പ്രാധാന്യത്തെ കുറിച്ചും വിവിധ തരത്തിലുള്ള മാനസിക
രോഗങ്ങളെ കുറിച്ചും ക്ലാസ്സുകൾ നയിച്ചു.

ലോക മാനസിക ആരോഗ്യ ദിനാചരണത്തോടനുബന്ധിച്ച് തൊടുപുഴ ജില്ലാ ആശുപത്രിയിൽ പൈങ്ങോട്ടൂർ ശ്രീനാരായണഗുരു കോളേജ് ഓഫ് ആർട്‌സ് ആന്റ് സയൻസ് സോഷ്യൽ വർക്ക്ഡിപ്പാർട്ട്‌മെന്റിലെ വിദ്യാർത്ഥികൾ നടത്തിയ ഫാളാഷ് മോബ്