ഇടുക്കി:ഭാരതീയ ചികിത്സാ വകുപ്പിന് കീഴിൽ ജില്ലയിലെ കല്ലാർ ഗവ.ആയുർവേദ ആശുപത്രിയിൽ കൗൗമാരഭൃത്യം യൂണിറ്റിൽ ഒഴിവുള്ള മെഡിക്കൽ ആഫിസർ തസ്തികയിൽ പ്രതിദിനം 1455 രൂപ ദിവസ വേതന അടിസ്ഥാനത്തിൽ നിയമനം നടത്തുന്നു. 2023 മാർച്ച് 31 വരെയോ ജില്ലാ എംപ്ലോയ്‌മെന്റ് എക്‌സ്‌ചേഞ്ച് മുഖേന നിയമനം നടത്തുന്നത് വരെയോ ആയിരിക്കും കാലാവധി. ബി.എ.എം.എസ്, എം.ഡി (കൗമാരഭൃത്യം) യോഗ്യതയുള്ള ഉദ്യോഗാർത്ഥികൾ ഒക്ടോബർ 18ന് രാവിലെ 11.30 ന് കുയിലിമലയിലെ സിവിൽ സ്റ്റേഷനിൽ പ്രവർത്തിക്കുന്ന ജില്ലാ മെഡിക്കൽ ഓഫീസിൽ (ആയുർവേദം) നടത്തുന്ന കൂടിക്കാഴ്ചയിൽ അസ്സൽ സർട്ടിഫിക്കറ്റുകൾ സഹിതം പങ്കെടുക്കണം. ഫോൺ: 04862232318.