ഇടുക്കി: സംസ്ഥാന സർക്കാർ നാഷണൽ എംപ്ലോയ്‌മെന്റ് സർവീസ് വകുപ്പ് മുഖേന നടപ്പിലാക്കിവരുന്ന സ്റ്റേറ്റ് വൊക്കേഷണൽ ഗൈഡൻസ് യൂണിറ്റ് ശാക്തീകരണം പദ്ധതി പ്രകാരം എംപ്ലോയ്‌മെന്റ് എക്‌സ്‌ചേഞ്ചിൽ പേര് രജിസ്റ്റർ ചെയ്തിട്ടുള്ള എറണാകുളം, തൃശൂർ, ഇടുക്കി, കോട്ടയം എന്നീ നാലു ജില്ലകളിലുള്ള ഉദ്യോഗാർത്ഥികൾക്കായി നവംബർ 2 മുതൽ 30 ദിവസത്തെ സൗജന്യ മത്സരപരീക്ഷ പരിശീലന പരിപാടി ടൗൺ പെരുമ്പാവൂർ കുന്നത്തുനാട് എംപ്ലോയ്‌മെന്റ് എക്‌സ്‌ചേഞ്ചിൽ നടത്തും. പി എസ് സി ബിരുദതലത്തിലുള്ള ഒഴിവുകൾക്കുവേണ്ടി നടത്തുന്ന പ്രവേശന പരീക്ഷയുടെ സിലബസിനെ അടിസ്ഥാനമാക്കിയാണ് ക്ലാസുകൾ നടത്തുന്നത്. പരിപാടിയിൽ പങ്കെടുക്കുവാൻ താല്പര്യമുള്ളവർ ബയോഡാറ്റ വാട്ട്‌സ്ആപ്പ് നമ്പർ സഹിതം ഒക്ടോബർ 28 ന് മുൻപായി rpeeekm.emp.lbr@kerala.gov.in, teekntd.emp.Ibr@kerala.gov.in എന്നീ ഇ-മെയിലിലോ, നേരിട്ടോ അപേക്ഷ സമർപ്പിക്കാം. എറണാകുളം പ്രൊഫഷണൽ ആന്റ് എക്‌സിക്യൂട്ടീവ് എംപ്ലോയ്‌മെന്റ് എക്‌സ്‌ചേഞ്ചിൽ പേര് രജിസ്റ്റർ ചെയ്തിട്ടുള്ള ഉദ്യോഗാർത്ഥികൾക്ക് മുൻഗണന ഉണ്ടായിരിക്കും.