തൊടുപുഴ: സംസ്ഥാന യുവജന ക്ഷേമ ബോർഡ് ജില്ലാ യുവജന കേന്ദ്രത്തിന്റെ നേതൃത്വത്തിൽ ലഹരി വിമുക്ത ക്യാമ്പയിന്റെ ഭാഗമായി കൂട്ടയോട്ടം സംഘടിപ്പിച്ചു .തൊടുപുഴ പ്രൈവറ്റ് ബസ്സ് സ്റ്റാൻഡിൽ നിന്നും ആരംഭിച്ച് ജില്ലാ യുവജന കേന്ദ്രം ഓഫീസിനു മുന്നിൽ അവസാനിച്ചു. പരിപാടിയുടെ ഉത്ഘാടനവും ഫ്‌ളാഗ് ഓഫും മന്ത്രി റോഷി ആഗസ്റ്റിൻ നിർവഹിച്ചു. നഗരസഭ ചെയർമാൻ സനീഷ് ജോർജ്, അധ്യക്ഷത വഹിച്ച ചടങ്ങിൽ .വിമുക്തി മിഷൻ ജില്ലാ കോ ഓഡിനേറ്റർ ഡിജോ ദാസ് ലഹരി വിരുദ്ധ പ്രതിജ്ഞയും ഡെപ്യൂട്ടി എക്‌സൈസ് കമ്മീഷണർ സലിം വി എ ലഹരി വിരുദ്ധ സന്ദേശവും നൽകി. വാർഡ് മെമ്പർ ജോസ് മഠത്തിൽ , ടീം കേരള ക്യാപ്ടൻകലേഷ് കുമാർ , അവളിടം ജില്ലാ കോർഡിനേറ്റർചിപ്പി ജോർജ് , മുൻ സ്റ്റേറ്റ് ഫുട്‌ബോൾ താരം സലിംകുട്ടി , ഷിജി ജെയിംസ് , ശങ്കർ എം എസ് എന്നിവർ സംസാരിച്ചു.ടീം കേരള അംഗങ്ങൾ,സ്റ്റുഡന്റ് പൊലീസ്, ജില്ലാറോൾബാൾ അസോസിയേഷൻ ടീം അംഗങ്ങൾ, ട്രാൻസ്‌ജെണ്ടർസ്, യൂത്ത് ക്ലബ് അംഗങ്ങൾ വിവിധ പഞ്ചായത്തിലെകോർഡിനേറ്റർമാരായ മുഹമ്മദ് റോഷിൻ, ലിനു മാത്യൂ, ടിജോ കുരിയാകോസ്, ജോമോൻ, ജിതിൻ ജോണി എന്നിവർ പങ്കെടുത്തു