ഇടുക്കി: ദേശിയ ആയുർവേദ ദിനത്തോടനുബന്ധിച്ചു ഭാരതീയ ചികിത്സാ വകുപ്പ്, നാഷണൽ ആയുഷ് മിഷൻ മിഷൻ എന്നിവയുടെ നേതൃത്വത്തിൽ പാറേമാവ് ജില്ലാ ആയുർവേദ ആശുപത്രി അനക്‌സ് മുഖേന ഇടുക്കി വിമൻസ് കൗൺസിലിന് കീഴിലുള്ള ചെറുതോണി സ്വെഥർ, ആശ്രയ അന്തേവാസികൾക്കായി സൗജന്യ മെഡിക്കൽ ക്യാമ്പ് നടത്തി. ഡോ. കെ.ആർ. സുരേഷ്, ഡോ. അശ്വതി. എസ്, ഡോ, ജോതിസ്. കെ എന്നിവർ നേതൃത്വം വഹിച്ചു. അന്തേവാസികൾക്ക് സൗജന്യ നേത്രപരിശോധന, ജീവിതശൈലി രോഗ നിർണയ പരിശോധന എന്നിവ നടത്തി. വിമൻസ് കൗൺസിൽ പ്രസിഡന്റ് അഡ്വ:മേരി സിറിയെറ്റ്, സെക്രട്ടറി റോസക്കുട്ടി എബ്രഹാം, ജോയിന്റ് സെക്രട്ടറി ഗ്രേസ് ആന്റണി, എക്‌സിക്യൂട്ടീവ് കമ്മറ്റി മെമ്പർ റിൻസി ജോസഫ്, അംഗം ജോളി ജോസ്, സ്റ്റാഫ് അംഗങ്ങളായ തുളസിയമ്മാൾ, ജിസി ശ്രീലക്ഷ്മി എന്നിവർ സന്നിഹിതരായിരുന്നു.