കുമളി:കേരള ബാങ്ക് കുമളി മെയിൻ ശാഖയുടെ നേതൃത്വത്തിൽ ഫിനാൻഷ്യൽ ഡിജിറ്റൽ ലിറ്ററസി ക്യാമ്പ് സംഘടിപ്പിച്ചു.
വിവര സാങ്കേതിക വിദ്യയുടെ കാലത്ത് സാധാരണക്കാർ ഉൾപ്പെടെയുള്ളവർ സാമ്പത്തിക തട്ടിപ്പുകളിൽപ്പെട്ട് വഞ്ചിതരാകാതിരിക്കാനും ബോധവത്കരിക്കുന്നതിനുംമാണ് ഫിനാൻഷ്യൽ ഡിജിറ്റൽ ലിറ്ററസി ക്യാമ്പുകൾ സംഘടിപ്പിക്കുന്നത്.
കേരള ബാങ്ക് അവതരിപ്പിച്ചിട്ടുള്ള ഫിനാൻഷ്യൽ പ്രോഡക്ട്, ടെക്‌നോളജികൾ എന്നിവ സംബന്ധിച്ചും സുരക്ഷിതമായ എടിഎം ഇന്റർനെറ്റ് ബാങ്കിംഗ്, മൊബൈൽ ബാങ്കിംഗ്, ഡെബിറ്റ് കാർഡ് എന്നിവയുടെ ഉപയോഗവും വിശദികരിച്ചു.
റോസാപ്പൂണ്ടത്ത് സംഘടിപ്പിച്ച പഠന ക്യാമ്പിൽ കുടുംബ ശ്രീ വൈസ് ചെയർ പേഴ്‌സൺ റീജ ജനാർദ്ദനൻ അദ്ധ്യക്ഷത വഹിച്ചു. കുമളി ഗ്രാമ പഞ്ചായത്ത് വൈസ് പ്രസിഡന്റ് വി.കെ ബാബുക്കുട്ടി ഉദ്ഘാടനം ചെയ്തു. അഴുത ബ്ലാക്ക് പഞ്ചായത്ത് വൈസ് പ്രസിസന്റ് ലിസമ്മ ജെയിംസ് മുഖ്യ പ്രഭാഷണം നടത്തി. കുമളി ശാഖയിലെ ഗ്രൂപ്പ് ഫിനാൻഷ്യൽ ഓഫീസർ ഷാജി കൃര്യൻ , എ. അബ്ദുൽ സമദ് എന്നിവർ സംസാരിച്ചു.