ഇടുക്കി: സംസ്ഥാനത്തെ സർക്കാർ, സ്വകാര്യ എസ്.ഡി.ഡി.ഡി, എസ്.റ്റി.ഡി.ഡി ഐ.റ്റി.ഐ കളിൽ എൻ.സി.വി.റ്റി അഫിലിയേഷനുള്ള അംഗീകൃത ട്രേഡുകളിൽ ആഗസ്റ്റ് 2014 മുതൽ 2017 വരെ എം. ഐ. എസ്. പോർട്ടൽ മുഖേന പ്രവേശനം നേടിയ സെമസ്റ്റർ സമ്പ്രദായത്തിൽ പെട്ട ട്രെയിനികളിൽ നിന്നും 2018 മുതൽ വാർഷിക സമ്പ്രദായത്തിൽ പ്രവേശനം നേടിയ ട്രെയിനികളിൽ നിന്നും സപ്‌ളിമെന്ററി സി.ബി.റ്റി (കമ്പ്യൂട്ടർ ബേസ്ഡ് ടെസ്റ്റ്) പരീക്ഷ എഴുതുന്നതിന് അപേക്ഷ ക്ഷണിച്ചു. 2014 മുതൽ 2017 വരെ സെമസ്റ്റർ സമ്പ്രദായത്തിൽ പ്രവേശനം നേടിയ എല്ലാ ട്രെയിനികൾക്കും എല്ലാ സെമസ്റ്ററുകളും എഴുതുന്നതിന് അവസരം ലഭ്യമാണ്. നവംബർ 9 ന് വൈകുന്നേരം 3 ന് മുമ്പ് ബന്ധപ്പെട്ട ഐ. റ്റി. ഐ. പ്രിൻസിപ്പലിന് സി.ബി.റ്റി പരീക്ഷ ഫീസ്, നിശ്ചിത മാതൃകയിലുള്ള അപേക്ഷ എന്നിവ സമർപ്പിക്കണം. ഫോൺ: 04868 272216.