ചെറുവത്തൂർ: കുട്ടമത്ത് ഹയർ സെക്കൻഡറി സ്കൂളിൽ 20, 21 തീയതികളിൽ നടക്കുന്ന ചെറുവത്തൂർ ഉപജില്ലാ ശാസ്ത്രോത്സവത്തിന്റെ ലോഗോ പ്രശസ്ത സിനിമാ സീരിയൽ താരം ഉണ്ണിരാജ് ചെറുവത്തൂർ പ്രകാശനം ചെയ്തു. ചെറുവത്തൂർ സബ്‌ജില്ല പ്രവൃത്തി പരിചയ കൺവീനർ പ്രമോദ് അടുത്തിലയാണ് ലോഗോ തയാറാക്കിയത്. പി.ടി.എ പ്രസിഡന്റ് എം. രാജൻ അദ്ധ്യക്ഷത വഹിച്ചു. പ്രിൻസിപ്പൽ ടി. സുമതി, പ്രഥമാദ്ധ്യാപകൻ കെ. ജയചന്ദ്രൻ, എസ്.എം.സി ചെയർമാൻ വയലിൽ രാഘവൻ എന്നിവർ സംസാരിച്ചു. പബ്ലിസിറ്റി കൺവീനർ എം. മോഹനൻ സ്വാഗതവും ഹയർ സെക്കൻഡറി വിഭാഗം അദ്ധ്യാപകൻ സി. ബാലകൃഷ്ണൻ നന്ദിയും പറഞ്ഞു. 20ന് ശാസ്ത്രമേള, ഗണിത ശാസ്ത്രമേള, ഐ.ടി മേള എന്നിവയും 21ന് സാമൂഹ്യ ശാസ്ത്രമേള, പ്രവൃത്തി പരിചയമേള എന്നിവയും നടക്കും.