കോഴിക്കോട് : മെഡിക്കൽ കോളേജ് ഒളിമ്പ്യൻ റഹമാൻ സിന്തറ്റിക് സ്റ്റേഡിയത്തിൽ ജില്ലാ അത്ലറ്റിക്‌സ് അസോസിയേഷന്റെ ആഭിമുഖ്യത്തിൽ നടന്ന ജില്ലാ ജൂനിയർ അത്ലറ്റിക്‌സ് ചാമ്പ്യൻഷിപ്പിൽ മലബാർ സ്‌പോർട്‌സ് അക്കാഡമി 207 പോയന്റ് നേടി ഒന്നാം സ്ഥാനവും, 106 പോയന്റ നേടി സായ് സെന്റർ കോഴിക്കോട് രണ്ടാം സ്ഥാനവും, 100 പോയന്റ് നേടി ഉഷ സ്‌ക്കൂൾ ഓഫ് അത്ലറ്റിക്ക് മൂന്നാം സ്ഥാനവും കരസ്ഥമാക്കി.

ചാമ്പ്യൻഷിപ്പ് സമാപനം കോഴിക്കോട് മുൻ എംഎൽഎ എ.പ്രദീപ് കുമാർ ഉദ്ഘാടനം ചെയ്തു. വിജയികൾക്ക് സർട്ടിഫിക്കറ്റും ട്രോഫിയും നൽകി. ജില്ലാ പ്രസിഡന്റ് മെഹറൂഫ് മണലൊടി അദ്ധ്യക്ഷത വഹിച്ചു. മെഡിക്കൽ കോളേജ് പ്രിൻസിപ്പാൾ ഇ.വി.ഗോപി, കേരള സ്‌പോർടസ് കൗൺസിൽ അംഗവും സംസ്ഥാന അത്ലറ്റിക്‌സ് അസോസിയേഷൻ വൈസ് പ്രസിഡന്റ് വി.കെ. തങ്കച്ചൻ , ഇബ്രാഹിം ചീനിക്ക , എ.ബി. മോൻ മാത്യൂ , കെ.വി. അബ്ദുൾ മജിദ്, പി.ടി. അഗസ്റ്റ്യൻ തുടങ്ങിയവർ പ്രസംഗിച്ചു.
സെക്രട്ടറി കെ.എം. ജോസഫ് സ്വാഗതവും സി.ടി. ഇല്യാസ് നന്ദിയും പറഞ്ഞു.