കുന്ദമംഗലം: വയനാട് റോഡ് ചൂലാംവയലിൽ മാക്കൂട്ടം എ.യു.പി സ്കൂളിന് സമീപം വാഹനാപകടം നിരവധി പേർക്ക് . ഇന്നലെ രാവിലെ ഏഴ് മണിക്കാണ് സംഭവം. റോഡരികിൽ നിർത്തിയിട്ട ലോറിയിൽ ബസിടിക്കുകയായിരുന്നു. അടിവാരത്ത് നിന്ന് കോഴിക്കോട്ടേക്ക് പോവുകയായിരുന്ന ഫാത്തിമാസ് ബസാണ് നിയന്ത്രണം വിട്ട് ലോറിയിൽ ഇടിച്ചത്. ഇടിയുടെ ആഘാതത്തിൽ ബസ്സിന്റെ മുവശം പൂർണ്ണമായും തകർന്നു. ഇരുപതിലധികം പേർക്ക് പരിക്കേറ്റിട്ടുണ്ട്. പരിക്കേറ്റവരെ കോഴിക്കോട്മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. അപകടത്തെ തുടർന്ന് ദേശീയ പാതയിൽ ഏറെ നേരം ഗതാഗതം തടസ്സം നേരിട്ടു. കുന്ദമംഗലം പൊലീസ് സ്റ്റേഷൻ ഹൗസ് ഓഫീസർ യൂസുഫ് നടുത്തറമ്മലിന്റെ നേതൃത്വത്തിൽ പൊലീസ് സ്ഥലത്തെത്തി. ബസ് റോഡിൽ നിന്ന് മാറ്റിയതിന് ശേഷമാണ് ഗതാഗതം പുനസ്ഥാപിച്ചത്.